މާލޭގައި ހަލުވިކަމާއެކު ފެތުރެމުންދާ ނުރައްކާތެރި ބައްޔެއް ކަމަށްވާ، ކޮވިޑް-19 ގައި މިރޭ ނިޔާވެފައިވަނީ މި ބަލީގައި ރާއްޖެއިން އެންމެ ފުރަތަމަ ނިޔާވި އަންހެން މީހާގެ ފިރިމީހާކަން ކަށަވަރުކުރެވިއްޖެއެވެ.
ހެލްތު ޕްރޮޓެކްޝަން އޭޖެންސީ (ޢެޗްޕީއޭ) އިން ވިދާޅުވީ، ދަރުމަވަންތަ ހޮސްޕިޓަލްގެ އައިސީޔޫގައި ފަރުވާދެމުންދިޔަ އުމުރުން 88 އަހަރުގެ ދިވެހި ފިރިހެނަކު ނިޔާވެފައިވާ ކަމަށެވެ.
މިނޫހަށް މަޢުލޫމާތު ލިބިފައިވާ ގޮތުގައި މިރޭ ނިޔާވެފައިވަނީ، ރާއްޖޭގެ މަޝްހޫރު ވިޔަފާރިވެރިޔާ އަދި އެމްއެޗްއޭގެ ވެރިޔާ ހުސައިން އަބްދުﷲ އެވެ. އަދި މި ބަލީގައި ރާއްޖެއިން އެންމެ ފުރަތަމަ ނިޔާވެފައިވަނީ އުމުރުން 83 އަހަރުގެ އައިމިނަތު އާދަމްއެވެ. އައިމިނަތު އާދަމް ކޮވިޑް-19 އަށް ޕޮޒިޓިވް ވިކަން އެނގުނީ ނިޔާވިފަހުންނެވެ.
Tonight at 11:15pm, an 88 year old Maldivian male admitted at DH11 has passed away.
This is the 4th COVID-19 death in the Maldives.
Our thoughts and prayers are with the bereaved family. May Allah grant his soul eternal peace in heaven.
— Health Protection Agency (@HPA_MV) May 13, 2020
މި ބަލީގައި ރާއްޖެއިން ދެވަނައަށް ނިޔާވެފައިވަނީ 33 އަހަރުގެ ބަންގްލަދޭޝްގެ ފިރިހެނެކެވެ. މިއީ ފިޓްޖެހިގެން އައިޖީއެމް ހޮސްޕިޓަލަށް ގެނެސް ޓެސްޓް ކުރިއިރު، މި ބައްޔަށް ޕޮޒިޓިވް ވެފައިވާ މީހެކެވެ. އަދި މި ބަލީގައި ރާއްޖެއިން ތިންވަނައަށް ނިޔާވެފައިވަނީ ދަރުމަވަންތަ ހޮސްޕިޓަލްގެ އައިސީޔޫގައި ފަރުވާދެމުންދިޔަ އުމުރުން 80 އަހަރުގެ ދިވެހި ފިރިހެނެކެވެ.
ރާއްޖެއިން މި ބަލި ޖެހުނު މީހުންގެ އަދަދު 955 އަށް އަރާފައިވާއިރު، މި ބަލިން ރަނގަޅުވެފައިވަނީ 40 މީހުންނެވެ. މި ބަލީގައ މިހާތަނަށް ރާއްޖެއިން ނިޔާވެފައިވަނީ ޖުމްލަ 4 މީހުންނެވެ. މިވަގުތު އައިސީޔޫގައި އިތުރު 3 މީހަކަށް ފަރުވާދެމުންދާއިރު، 12 މީހަކަށް ހޮސްޕިޓަލްތަކުގައި ފަރުވާދެމުން އެބަދެއެވެ.
