ބޮޑު ސަރަހައްދަަކަށް މޫސުން އިތުރަށް ގޯސްވެ ނެރުނު ޔެލޯ އެލާޓް ދަމަހައްޓަން މޫސުމާބެހޭ ޤައުމީ އިދާރާ، މެޓް އޮފީހުން ނިންމައިފިއެވެ.
މެޓް އޮފީހުން ޔެލޯ އެލާޓް ދަމަހައްޓާފައިވަނީ ށ. އަތޮޅުން ފެށިގެން މ. އަތޮޅާ ދެމެދުގެ ސަރަހައްދަށެވެ.
ށ. އަތޮޅުން ފެށިގެން މ. އަތޮޅާއި ހަމައަށް، މިއަދު ހަވީރު 03:00 އިން މިރޭ 07:00 އަށް ނެރެފައިވާ ޔެލޯ އެލާޓްގައި ބުނެފައިވަނީ، އެސަަރަހައްދަށް ބޯކޮށް ވާރޭ ވެހުމާއެކު ބާރަށް ގުގުރާނެ ކަމަށް ލަފާކުރެވޭ ކަމަށާއި، އެސަރަހައްދުގައި ޢާއްމުގޮތެއްގައި ވައި ހުންނާނީ ގަޑިއަކު 28 މޭލާއި 35 މޭލާ ދެމެދުގައި ކަމަށެވެ. ނަމަވެސް ވިލާގަނޑުގައި ގަޑިއަކު 50 މޭލަށް ވައިގަދަ ވާނެ ކަމަށް ވެސް މެޓް އޮފީހުން ވަނީ ވިދާޅުވެފައެވެ.
Alert Yellow for torrential rain with heavy thunderstorms, average strong winds of 28 – 35 mph and gusts of 50 mph. pic.twitter.com/jG7C5vTPNk
— Maldives Meteorology (@MetMaldives) May 15, 2020
ބޮޑު ސަހަރައްދަކަށް ޔެލޯ އެލާޓް ނެރެފައިވާއިރު، ބައެއް އިތުރު އަތޮޅުތަކަށްވެސް މޫސުން ގޯސްވާނެކަމަށް ލަފާކޮށް މެޓް އޮފީހުން ވަނީ ވައިޓް އެލާޓް ނެރެފައެވެ.
މިއަދު މެންދުރުފަހު 02:30 އިން އިރުއޮއްސި 06:30 އަށް ގއ. އަތޮޅުން އައްޑޫ ސޓީއަށް ނެރެފައިވާ ވައިޓް އެލާޓްގައި ބުނެފައިވަނީ، އެވަގުތުތަކުގައި އެސަރަހައްދަށް ޢާއްމު ވައި ހުންނާނީ 19 މޭލާއި 24 މޭލާއި ދެމެދުގައި ކަމަށާއި، ވިލާގަނޑުގައި 45 މޭލަށް ވައިގަދަވުން އެކަށީގެންވާ ކަމަށެވެ.
Alert White for average strong winds of 19 -24 mph and gusts of 45 mph pic.twitter.com/HLxrZGtZsU
— Maldives Meteorology (@MetMaldives) May 15, 2020
މެޓް އޮފީހުން އިތުރަށް ވިދާޅުވީ، އުތުރު އަތޮޅުތަކުގެ ކަނޑުތައް އާދައިގެވަރަކަށް ގަދަވެފައި ވިލާގަނޑުގައި ގަދަވާނެ ކަމަށާއި، އެހެން ހިސާބުތަކުގެ ކަނޑުތައްވެސް އާންމުގޮތެއްގައި ގަދަވާނެ ކަމަށެވެ.
"ބައެއް ރަށްތަކަށް އުދައިގެ އަސަރު ކުރުން އެކަށީގެން ވޭ. ހުޅަނގުމޫސުމުގެ މިވިއްސާރައިގައި އާންމުކޮށް ހުރިހާފަރާތްތަކުން މޫސުމަށް ވަރަށްބޮޑަށް ސަމާލު ވުމަށް ދަންނަވަން." މެޓް އޮފީހުން ވިދާޅުވިއެވެ.
މޫސުމަށް ސަމާލުވުމަށްޓަކައި، މެޓް އޮފީހުން ބޮޑު ސަރަހައްދަކަށް އެލާޓް ނެރެފައިވާއިރު، މިއަދު ކުރި ވިއްސާރައިގައި މާލެއާއި ދެކުނުގެ ބައެއް ރަށްތަކަށް އެކިވަރުގެ ގެއްލުންތައް ލިބިފައިވެއެވެ.
