ރައްޔިތުންގެ މަޖިލީހުގެ މަސައްކަތްތަކަށް އެއްވެސް ފަރާތަކުން ހުރަހެއް ނޭޅޭނެކަމަށް މެދުހެންވޭރު ދާއިރާގެ މަޖިލިސް މެންބަރު އަދި އެމްޑީޕީގެ ޕާލަމެންޓުރީ ގުރޫޕުގެ ލީޑަރު އަލީ އާޒިމް ވިދާޅުވެއްޖެއެވެ.

ލޮކްޑައުންގެ ހާލަތުގައި ގައުމު އޮއްވާ ރައްޔިތުންގެ މަޖިލީހުގެ ޖަލްސާތައް އެ މަޖިލީހުގެ ތަޅުމުގައި މާދަން ފަށަން މަޖިލީހުން އިއުލާން ކޮށްފައިވާތީ އެގޮތަށް އެކަން ނުކުރެވޭނެކަމަށް ވިދާޅުވެ ސިޔާސީ ބަޔެއްފަރާތްތަކުންނާއި އާމުން ދައްކަމުންދާ ވާހަކަތަކާއި ގުޅިގެން އަލީ އާޒިމް ވިދާޅުވީ، ރައްޔިތުންގެ މަޖިލީހުގެ މަސައްކަތްތަކަށް އެއްވެސް ފަރާތަކުން ހުރަހެއް ނޭޅޭނެކަމަށެވެ.

"މަޖިލިސް ބޭއްވުމަށް އެއްވެސް ފަރާތަކުން ހުރަސް އަޅާނަމަ އެފަރާތަކާއި ދޭތެރޭ ފިޔަވަޅު އެޅުމަކީ މަޖިލިސް ރައީސް މުހައްމަދު ނަޝީދުގެ މައްޗަށް ލާޒިމްކަމެއް، ރައްޔިތުންގެ މަޖިލީހުގެ މަސައްކަތްތަކަށް އެއްވެސް ފަރާތަކުން ހުރަހެއް ނޭޅޭނެ" އަލީ އާޒިމް ވިދާޅުވިއެވެ.

Majlis beyhvumah ehves faraathakun huras alhaanama efaraathakaa dheytherey fiyavalhu elhumakee Majlis Raees @MohamedNasheed ge mahchah laazimkameh. @mvpeoplesmajlis ge mssaiykaiy thakah ehves faraathakun huraheh neylheyne.

— ??? ???? (@aliaazim) May 25, 2020

ރައްޔިތުންގެ މަޖިލީހުގެ ޖަލްސާއެއް އެމަޖިލީހުގެ ޖަލްސާކުރާ މާލަމުގައި ބާއްވަން ނިންމައިފައިވާ ނިންމުމާ ގުޅޭގޮތުން އެންއީއޯސީގެ ތަރުޖަމާން މަބްރޫކް އަޒީޒް އާއި ސުވާލު ކުރުމުން ވިދާޅުވީ، “އެންއީއޯސީއަކާ އެއްވެސްވަރަކަށް މިކަމުގަ މަޝްވަރާއެއް އަދި ހިނގާފަކާއެއް ނުވޭ، އަޅުގަނޑު ހިތުން އެކަން ކުރައްވާނީ އެބޭފުޅުން ހަމަ މިކަމުގަ ހުންނަ ގަވާއިދުތަކުގެ ތެރޭން އެކަމާ ކުރަންޖެހޭ މަޝްވަރާތައް ކުރުމަށް ފަހުގައި” ކަމަށެވެ.