ކޮވިޑް-19 ޖެހިގެން ރާއްޖެއިން ހަތްވަނަ މީހަކު ނިޔާވެއްޖެއެވެ.
ހެލްތު ޕްރޮޓެކްޝަން އޭޖެންސީ (ޢެޗްޕީއޭ) އިން ވިދާޅުވީ، ނިޔާވެފައިވަނީ މިއަދު ހެނދުނު 06:20 ގައި ހުޅުމާލޭ އައިސޮލޭޝަން ފެސިލިޓީގައިހުރި 89 އަހަރުގެ ދިވެހި އަންހެނެއް ކަމަށެވެ.
މިއީ ކޮވިޑް-19 ޖެހިގެން ރާއްޖެއިން ނިޔާވި ހަތްވަނަ މީހާއަށްވާއިރު، މީގެ ކުރިން މި ބަލީގައި ރާއްޖެއިން ނިޔާވެފައިވަނީ ދެ ދިވެހިންނާއި 4 ބިދޭސީންނެވެ.
Today at 06:20am, an 89 year old Maldivian Female in Hulhumale' Isolation Facility has passed away.
This is the 7th COVID-19 death in the Maldives.
Our thoughts and prayers are with the bereaved family. May Allah grant her soul eternal peace in heaven.
— Health Protection Agency (@HPA_MV) June 2, 2020
ރާއްޖޭން ކޮވިޑް-19 އަށް ޕޮޒިޓިވްވި މީހުންގެ ޖުމްލަ ޢަދަދު މިހާރުވަނީ 1829 އަށް އަރާފައެވެ. އަދި ރާއްޖެ އިން ކޮވިޑް-19 ޖެހުނު މީހުންގެ ތެރެއިން ބަލިން ރަނގަޅުވި މީހުންގެ ޖުމްލަ އަދަދަކީ 488 ކެވެ.
