ރައްޔިތުންގެ މަޖިލީހުގެ މެންބަރުން ވިދާޅުވަނީ "އެހެން ފުލުސް އޮފީހެއް ބޭނުންވާ ކަމަށް" ކަމުގައި މަޖިލީހުގެ ރައީސް މުޙައްމަދު ނަޝީދު ވިދާޅުވެއްޖެ އެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި މަޖިލީހުގެ ރައީސް މުޙައްމަދު ނަޝީދު ވިދާޅުވީ ފުލުހުންގެ ހިދުމަތާއި ގުޅޭ ބިލުގެ ބަހުސްގައި މެންބަރުންވަނީ 48 ތަފާތެއް ގެނައުމަށް ފާހަގަ ކުރައްވާފައި ވާކަމަށެވެ. އެ 48 ކަންތައް މަޖިލީހުގެ ޔައުމިއްޔާ އިން ފާހަގަ ވާނެ ކަމަށް ރައީސް ނަޝީދު ވިދާޅުވިއެވެ.
"ޖުމްލަކޮށް ދަންނަވާކަމުގައި ވަނީވިއްޔާ އިއްޒަތްތެރި މެންބަރުން އެދިވަޑައިގަންނަވަނީ، ދެކިވަޑައިގަންނަވަނީ އެހެން ފުލުސް އޮފީހެއް ބޭނުން ވެއޭ. އެހެން ނަމެއްވެސް ބޭނުންވެއޭ. އެހެން ކުލައެއްވެސް ބޭނުންވެއޭ. އަދި އެތަން ހުންނަންވީ މައިމަރުކަޒުވެސް ހުންނަންވީ އެހެން ތަނެއްގައޭ. މިދިޔަ ހުރިހާ ދުވަހަކު އެދިޔަތަން ނިމުނީއޭ. މުޅިން އާ ބާބެއް ފެށެނިއްޔޭ" ރައީސް ނަޝީދު ވިދާޅުވިއެވެ.
ރައީސް ނަޝީދު ވިދާޅުވީ މި ބިލާއިއެކު ފުލުހުންގެ މުއައްސަސާއަކީ ނުވަތަ ފުލުހުންނަކީ ރައްޔިތުންދެކެ ލޯބިވާ، ރައްޔިތުންނާއި އެކީގައި އުޅޭ އަދި ރައްޔިތުންގެ ކަންކަން ޤާނޫނުގައިވާ ގޮތުގެ މަތީން އިންސާނީ ހައްޤުތަކަށް ހުރުމަތްތެރިކޮށް ހިތާ، މާތް ވެގެންވާ އިސްލާމް ދީނުގެ އުސޫލުތަކާއި އެއްގޮތްވާ ގޮތުގެ މަތީން، އުފާވެރި ކަމާއިއެކީގައި ރައްޔިތުންނަށް ޚިދުމަތް ދޭނެ ފުލުހުންގެ މުއައްސަސާއަކަށް ވާން ޖެހޭނެ ކަމަށެވެ.
ޖިނާއީ ބޮޑެތި ތުހުމަތުތައް ކުރެވޭ ބައެއް ފުލުހުންވެސް، ފުލުހުންގެ މުއައްސަސާގައި އެބަ ތިއްބެވިކަމަށް ރައީސް ނަޝީދު ވިދާޅުވެފައިވާއިރު މިއަދު ވަނީ އާއްމުންގެ މީހަކަށް އަނިޔާކުރި ތިން ފުލުހަކު ވަޒީފާއިން ވަކިކޮށް، އެކެއްގެ މަޤާމުދަށްކޮށްފަ އެވެ.
ފުލުހުންގެ މުއައްސަސާ ރިފޯމް ކުރައްވަން ޖެހޭކަމަށް ހޯމް މިނިސްޓަރ އިމްރާން ޢަބްދުﷲ ވެސް ވިދާޅުވެފައިވާއިރު އިދިކޮޅުން ގެންދަވަނީ އެމްޑީޕީން ފުލުހުންގެ މުއައްސަސާގެ އަގު ވައްޓާލަމުން ދާކަމަށް ބުނެފައެވެ.
4 Responses
kaley thee ehen fulks ofeehennu
ފުރަތަމަ އަމިއްލައަށް އިސްލާހުވޭ ބޮޑު މުޖުރިމު. ކަލޭމެން ފުލުހުންގެ ކަމިޝަނާރ އަކަށް އައްޔަން ކޮށްފައި ހިރީވެސް ކުއްވެރިއެއް. ކަލޭތީ ކުއްވެރިއެއް. ދެން ތަނެއް އިސްލާހު ކުރެވޭތަ ތިވަރުބަޔަކަށް
Meenaa akee amiila edhumum foavefaivaa meehehank yageen. Hama gaimu vx ehen gaumuthakunhhh emeehunge fulus ofeehaa sifainakaa behey manzareg nufeney
ވާންއުޅޭގޮތް ވަރަށްސާފް. ފުލުހުންގެ ހުވާގައިވާ އިސްލާދީނުގެ ކުރިޔަށް އިންސާނީ ހައްގު ގެނައިމާ ވާނެ ގޮތަކީ ދޮންމީހަކު މިގައުމުގައި އިސްލާމްދީނާ ނުގުޅޭ ކޮންމެފަދަ ޖަރީމާއެއް ހިންގިޔަސް ފުލުހުންނަށް އެމީހުންގެ ކަނދުރާ ސަލާމަތްކުރަން މަޖުބޫރުވާނީ. މިއީ މައިގަނޑު ޕޮއިންޓަކީ..
މިހާރުގެ ސީޕީމެން ހޭވި ހަޑި އަދިއެއްފަހަރު ރިވިއު ކޮށްލަބަ އޭރަށް އަދި މަންޒަރު ވަރަށް ސާފްވާނެ.