ރައްޔިތުން މަޖިލީހުގެ މިއަދުގެ ޖަލްސާގައި، ކޮރަޕްޝަނާއި ޖިންސީ ފުރައްސާރައާ ގުޅިގެން ޖޭއެސްސީން ކުރި ތަޙުޤީޤު ސާބިތުވެ ހދ.ޖުޑީޝަލް ދާއިރާގެ އިސް މެޖިސްޓްރޭޓް މުޙައްމަދު މަޢުޞޫމް މަޤާމުން ވަކިކުރަން ކޮމިޓީއަށް ފޮނުވައިފިއެވެ.
ހދ. ޖުޑީޝަލް ދާއިރާގެ އިސް މެޖިސްޓްރޭޓް މުޙައްމަދު މަޢުޞޫމް މައްޗަށް ހުށަހެޅި ތަހުގީގު ކުރެވުނު ސުލޫކީ މައްސަލަތަކަކާ ގުޅިގެން މަޢުޞޫމްގެ މައްށަށް ސާބިތުވި މައްސަލަތަކުގައި އޭނާ ކުޅަ އަމަލުތަކީ ފަނޑިޔާރު ކަމުގެ މަގާމާ އެކަށީގެން ނުވާފަދާ އަމަލުތަކެއްކަމަށް ޖޭއެސްސީ އަށް ގަބޫލު ކުރެވެތީ މަޢުޞޫމާމެދު ޖުޑީސަލް ސާވިސް ކޮމިޝަންގެ ގާނޫނާއި އެއްގޮތައް ފަނޑިޔާރު ކަމުން ވަކިކުރުމަށް ނިންމައިފައިވާތީ މުޙައްމަދު މަޢުޞޫމް ވަކިކުރުމުގެ މައްސަލަ އަށް ގޮތެއް ނިންމުމަށް ރައްޔިތުންގެ މަޖިލީހަށް ހުށަހުހެޅުނު ނިންމުން މަޖިލީހަށް ފޮނުވާފައިވެއެވެ.
މި ނިންމުމުގައި ވާގޮތުން މުޙައްމަދު މަޢުޞޫމް ވަޒީފާ އަދާކުރުމުގެ އިތުރުރުން ވިއްކާފައިވާ ދެ ދޯނަޏާއި ސެކަންޑް ހޭންޑް ކާރެއް ވިއްކައިގެން ލިބިފައިވާ އާމްދަނީގެ އިތުރުން، އިތުރު އާމްދާނީ އެއް ނުލިބޭކަމަށް ބުނެފައިވީނަމަވެސް 2016 ވަނަ އަހަރުން ފެނިގެން 2019 ވަނަ އަހަރުގެ ސެޕްޓެންބަރު މަހުގެ ނިޔަލަށް ހޭދަވި 3 އަހަރާއި 8 މަހުގެ ތެރޭގައި މަޢުޞޫމް ވަޒީފާ އަދާކޮށްގެން އާމްދަނީގެ ގޮތުގައި 1،155،195.96 ލިބިފައިވާއިރު މި މުއްދަތުގައި އެހެނިހެން ގޮތްގޮތުން މަޢުޞޫމްގެ އެކައުންޓަށް 1،416،955.22 ވަދެފައިވާކަމަށެވެ. ނަމަވެސް މިއީ ކިހިނެއް ވަދެފައިވާ ފައިސާއެއްކަން ތަހުގީގަށް ބުނެދީފައިނުވުމާއި ވަކިވަކި މަސްމަހުގައި ބޮޑެތި އަދަދުން މަޢުޞޫމްގެ އެކައުންޓަށް ފައިސާ ވަދެފައިވުމާއި ހދ. ކުޅުދުއްފުށި ކޯޓުގެ ދެ މުވައްޒަފެއްގެ އެކައުންޓަށް ފައިސާ ފޮނުވައި އެކި ދަވަސް ދުވަހު ފައިސާ ނަގާފައިވުމާއި ހެކިބަސް ދީފައިވާ ހެކިންގެ ބަހުން މައުސޫމްގެ މައްސަލަތައް ބުލުމުގައި ރިޝްވަތު ނަގާކަން އެނގޭކަމަށެވެ.
އަދި ހދ. ހިރިމަރަދޫ މެޖިސްޓްރޭޓް ކޯޓްގެ ކުރީގެ މެޖިސްޓްރޭޓް ގެ ދަރިފުޅު މައްސަލަ ވަކި ގޮތަކަށް ނިންމައިދިނުމައްޓަކައި ރިޝްވަތު ނަގާފައިވާކަން ހެކިންގެ ހެކިބަހުން ތަހުގީގަށް ސާބިތުމުމާއި އަދި ހދ. ކުޅުދުއްފުށި ކޯޓުގެ މުވައްޒަފަކަށް ޖިންސީ ފުރައްސާރަ ކޮށްފައިވާކަމަށް ބުނެފައިވާ މައްސަލައިގައި ހެކިވެރިންގެ ބަހުންނާއި އެ މުވައަޒަފުގެ ބަހުންނާއި އަދި މައުސޫމްގެ ވާހަކަތަކަށް ބަލާއިރު ވަޒީފާގެ މާހައުލުގައި ފަނޑިޔާރެެއްގެ ފަރާތުން ފެނިގެން ނުވާނެ އަމަލުތަކެއް ހިނަގައިފައިވާކަން ތަހުގީގަށް ގަބޫލުކުރެވޭކަމަށް މި ނިންމުމުގައި ވެއެވެ.
އަދި މި ޢަމަލުތަކަކީ ދިވެހިރާއްޖޭގެ ފަނޑިޔާރުންގެ ޤާނޫނުގެ 32 ވަނަ މާއްދާއާއި ކަނޑައެޅިގެން ޚިލާފަށް ކޮށްފައިވާ ޢަމަލުތަކެއްކަމަށްވެސް ޖޭއެސްސީން ހާމަކުރައްވާފައިވެއެވެ.
