ރައްޔިތުންގެ މަޖިލިހުގެ މެމްބަރުންގެ އަދަދު 48 އަށް މަދުކުރަން ޖެހޭ ކަމަށް މަޖިލީހުގެ ކާށިދޫ ދާއިރާގެ މެމްބަރު އަދި ޑީއާރުޕީ ގެ ލީޑަރު އަބްދުﷲ ޖާބިރު ވިދާޅުވެއްޖެއެވެ.

މަޖިލީހުގެ މިއަދުގެ ޖަލްސާގައި ލާމަރުކަޒީ ގާނޫނަށް އިސްލާހު ގެނައުމުގެ ބިލަށް ބަހުސް ކުރައްވަމުން ޖާބިރު ވިދާޅުވީ ކޮވިޑް-19 ގެ ސަބަބުން ދުނިޔެ ވަރަށް ބޮޑަށް ބަނަވެ، އިގްތިސާދު ދަށްވެފައިވާކަމަށާއި ރައީސް އިބްރާހިމް މުހައްމަދު ސޯލިހަށް އުނދަގޫ ކުރަން ހަރަދުތައް އިތުރު ކުރުމަކީ މެމްބަރުން ކުރައްވައިގެން ވާނެ ކަމެއް ނޫން ކަމަށެވެ.

ޖާބިރު ވިދާޅުވެފައިވަނީ ދައުލަތުގެ ބެލެންސް އޮފް ޝީޓް ހަމަޖައްސަން ޖެހޭ ކަމަށާއި އަދި ރައީސަށް ވެރިކަން ނުހިންގެވޭ ވަރަށް މަތި ބަރު ނުކުރުމަށް އެދިވަޑައިގަންނަވާކަމަށާއި މިކަމުގައި މިކަމުގައި މަޖިލިސް ބައިވެރިވާ ނަމަ އެކަމާ ހިތާމަ ކުރައްވާކަމަށް މިދާޅުވިއެވެ.

ބަޖެޓް މިއަނަނަނީ ކުރިއަށް ކަމަށާއި ނަމަވެސް އޮތީ ކޮން އެއްޗެއްތޯ ޖާބިރުވަނީ ސުވާލު ކުރައްވައިފައެވެ. އަދި ލާރި ހޯދާނެ ގޮތަކާއި މެދު ޖާބިރުވަނީ ސުވާލު ކުރައްވައިފައެވެ. ކުރިއަށް އޮތް ތަނުގައި ހަރަދުތައް ކުޑަކޮށް ޖިލިހުގެ މެމްބަރުންގެ އަދަދު 87 އިން 48 މެމްބަރުންނަށް މަދު ކުރަން ޖެހޭ ކަމަށް ޖާބިރު ވިދާޅުވިއެވެ.

ކަލް ގަވަމެންޓް އޮތޯރިޓީ (އެލްޖީއޭ) ހިންގަމުންދަނީ އެއް ބިލިއަން ރުފިޔާ އަށް ވުރެ މަތިން ކަމަށާއި އެލްޖީއޭ ވައިލުމަށް ތާއީދު ކުރައްވަނީ ވެސް ހަރަދު ކުޑަ ކުރުމުގެ ގޮތުން ކަމަށެވެ. އަދި އެލްޖީއޭ އިން ކުރަނީ ކޮން ކަމެއްތޯ ވަނީ ސުވާލު އުފައްދައިފައެވެ.