އިކޮނޮމިކް މިނިސްޓަރު ފައްޔާޒު އިސްމާއިލްގެ އިތުރުބާރު ނެތް ކަމުގެ މައްސަލަ މަޖިލީހަށް ހުށަހެޅުމަށް އުޅޭކަމުގެ އަޑުތަކެއް ފެތުރެމުން ދިޔުމާއި ގުޅިގެން އެމްޑީޕީއަށް ނިސްބަތްވާ ބައެއް މެމްބަރުން އެމެންބަރުންގެ ޝުއޫރު ޓްވިޓާގައި ބަންޑުން ކޮއްލާފިއެވެ.
"އިތުބާރު ވޯޓް ނަގަންޖެހޭ ސަބަބެއް ނެތް. ފުރިހަމަ އިތުބާރު އެބައޮތް!"
އެމްޑީޕީގެ ޑެޕިޔުޓީ ލީޑަރުކަންވެސް ކުރައްވަމުން ގެންދަވާ އަދި ހުޅުމާލެ ދާއިރާގެ މެމްބަރުކަން ކުރައްވަމުންގެންދަވާ އަލީ ނިޔާޒް ދާދިދެންމެ ކުރެއްވި ޓްވީޓެއްގައި ބުނެފައި ވެއެވެ.
އިތުބާރު ވޯޓް ނަގަންޖެހޭ ސަބަބެއް ނެތް. ފުރިހަމަ އިތުބާރު އެބައޮތް! https://t.co/e7hKTy9dVn
— Ali Niyaz ? (@ali_niya) August 12, 2020
މީގެ އިތުރުންވެސް އިތުރު ބައެއް މެމްބަރުން ދަނީ މިނިސްޓަރު ފައްޔާޒަށް އިތުބާރު އޮތްކަމަށް ބުނެ ޓްވީޓް ކުރަމުންނެވެ.
"މިނިސްޓަރ ފައްޔާޒަކީ މިސަރުކާރުގައި އެންމެ ގާބިލު، ކުޅަދާނަ , އެންމެ ހިންގުންތެރި އަދި އިތުބާރުހުރި އެއް މިނިސްޓަރ" މައްޗަށްގޯޅި ދެކުނުދާއިރާގެ މެމްބަރު އަހުމަދު ހައިތަމް ވިދާޅުވިއެވެ.
މިނިސްޓަރ @faya_i އަކީ މިސަރުކާރުގައި އެންމެ ގާބިލު، ކުޅަދާނަ , އެންމެ ހިންގުންތެރި އަދި އިތުބާރުހުރި އެއް މިނިސްޓަރ https://t.co/rlrbmeW8S6
— Haitham Ahmed (@ahmhaitham) August 12, 2020
ރައްޔިތުންގެ މަޖްލީހުގެ އެންމެ މުހިންމު އެއް އެއް ކޮމިޓީކަމުގައިވާ، މިނިވަންވަން މަޢައްސަސާތަކާބެހޭ ކޮމިޓީގެ މުޤައްރިރުކަން ކުރަށްވާ، އައްޑޫ މީދޫ ދާއިރާގެ މެމްބަރު ރޮޒައިނާ އާދަމް، ހަމަކުޑައިރުކޮޅެއް ކުރިން ކުރެއްވި ޓްވީޓެއްގައި ވިދާޅުވެފައިވަނީ "އަޅުގަނޑުގެ ފުރިހަމަ އިތުބާރު ފަޔާ އަށް އެބައޮތް" ކަމަށެވެ.
ފައްޔާޒުގެ އިތުބާރު ނެތްކަމުގެ މައްސަލަ ވެއްދުމަށް އެމްޑީޕީ މެންބަރުންތަކެއް އިސްވެ ދަނީ މަސައްކަތް ކުރައްވަމުންދަނީ ވައުދުވި ބައެއް ކަންކަން ފުއްދުމުގައި ފެއިލްވެފައިވާ ކަމަށް ބުނެއެވެ.
ފައްޔާޒުގެ އިތުބާރު ނެތްކަމުގެ މައްސަލައަށް އެމްޑީޕީގެ ހުރިހާ މެންބަރުން ތާޢީދު ނުކުރާކަން އެނގިގެންދަނީ، ފައްޔާޒުގެ ދިފާޢުގައި މީސްމީޑިއާގައި އެމްޑީޕީގެ ބައެއް މަޖިލީސް މެންބަރުންވެސް ވާހަކަ ދައްކަމުންދާތީއެވެ.
މީގެއިތުރުން ފައްޔާޒު ވިދާޅުވީ، އޭނާ ނިސްބަތްވާ ޕާޓީއިން އޭނާގެ އިތުބާރު ނެތް ކަމުގެ މައްސަލަ ހުށަހަޅަން ތައްޔާރުވަމުންދާއިރު އޭގެން އެނގިގެން ދަނީ ޑިމޮކްރަސީ އޮތްކަން ކަމަށާއި އެކަމާ އުފާ ކުރައްވާކަމަށެވެ.
ވަޒީރެއްގެ އިތުރުބާރު ނެތް މައްސަލައެއް މަޖިލީހަށް ވެއްދުމަށް ބޭނުންވާނީ ދިހަ މެމްބަރުން ސޮޔެވެ. އެކަމަކު ވަޒީރެއްގެ އިތުބާރު ނެތް ކަމަށް މަޖިލީހުން ފާސް ކުރަން 43 މެމްބަރުންގެ ވޯޓު ބޭނުންވާނެ އެވެ.
ރައްޔިތުންގެ މަޖިލީހުގައި 87 މެމްބަރުން ތިއްބަވާއިރު 65 މެމްބަރުންނާއެކު އެމްޑީޕީއަށް ވަނީ ސުޕަ މެޖޯރިޓީ ލިބިފަ އެވެ.
