މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ގެ ޚިޔާނާތުގެ ލިސްޓްއޮތީ "ދެކޮޅުން ފޮހެވޭ ރަބަރެއް" ގެ ދަށުގައި ކަމަށް ޕީއެންސީގެ ނައިބު ރައީސް އަދި މަޑުއްވަރީ ދާއިރާގެ މެންބަރު އާދަމް ޝަރީފް އުމަރު ވިދާޅުވެއްޖެއެވެ.
މިދިޔަ އަހަރުގެ އޮކްޓޫބަރު މަހުގެ ތެރޭގައި މި ޚިޔާނާތުގެ މައްސަލަ ތަޙްޤީޤު ކުރުމުގައި ހަރަކާތްތެރިވި ފަރާތްތަކާއި އެކު ރިޔާސީ ކޮމިޝަން ބައިވެރިވި ނޫސްވެރިންގެ ބައްދަލުވުމެއްގައި ވިދާޅުވެފައި ވަނީ އެމްއެމްޕީއާރުސީގެ ޚިޔާނާތުގެ މަންފާ ލިބުނު ކަމަށް 267 މީހެއްގެ މައްޗަށް ތުހުމަތު ކުރެވިފައިވާކަމަށެވެ.
މި ބޮޑު ޚިޔާނާތާއި ގުޅިގެން އާދަމް ޝަރީފް ވިދާޅުވެފައި ވަނީ އެމްއެމްޕީއަރުސީގެ ކޮރަޕްޝަންގައި ހިމެނޭ މީހުންގެ ލިސްޓްގައި ސިޔާސީ ބޮޑުންނާއި ރައްޔިތުންގެ މަޖިލީހުގެ މެންބަރުން ހިމެނޭތީ އެ ލިސްޓް އޮތީ "ދެކޮޅުން ފޮހެވޭ ރަބަރެއް" ގެ ދަށުގައި ކަމަށެވެ.
"އެއްބައެއްގެ ނަން ފޮހެދެނީ ރައީސް އޮފީހުން، އަނެއްބައެއްގެ ނަންތައް މަޖިލިސް އިން" އާދަމް ޝަރީފް އުމަރު ވިދާޅުވެފައިވެއެވެ. މީގެ އިތުރުން އަޑުގަދަ މީހުންގެ ނަންތައް ދެކޮލޫންވެސް "ތާ އަބަދަށް" ފުހެދޭ ކަމުގައި އާދަމް ޝަރީފް އުމަރު ވަނީ ތުހުމަތު ކުރައްވާފައެވެ.
MMPRC ge corruption gai himeney meehunge list gai siyaasee bodunnaai MPs himeneythee, e list othee "dhekolhun fohevey rabareh" ge dhashugai. Eh baeh ge nan fuhedhenee PO in, aneh bai nanthah Majlis in. Emme baarah adugadha meehunge nanthah dhekolhun ves "thaa-abadhah" fuhedhey.
— Adam Shareef Umar (@Adamshareefz) August 14, 2020
އެމްއެމްޕީއާރުސީގެ ޚިޔާނާތުގެ ފައިސާ ލިބުނު މީހުންގެ ތެރޭގައި ރައްޔިތުންގެ މަޖިލީހުގެ މިހާރުގެ 16 މެންބަރަކާއި އަދި ކުރީގެ 44 މެންބަރަކާއި، މި ސަރުކާރުގެ 7 ބޭފުޅަކާއި، ކުރީގެ ސަރުކާރުތަކުގައި އިސްމަޤާމްތަކުގައި އުޅުއްވާފައިވާ 30 ފަރާތަކާއި، މިނިވަން މުއައްސަސާތަކުގައި ކުރިން އުޅުއްވި5 މެންބަރަކާއި، 5 ފަނޑިޔާރެއްގެ އިތުރުން ސަލާމަތީ ޚިދުމަތުގެ ތެރޭގައި އުޅުއްވި ފަރާތްތައް ހިމެނިފައިވެއެވެ.
މީގެ އިތުރުން މި ލިސްޓްގައި މިހެނޭ 30 މީހެއްގެ ތަހުގީގު ބާރަށް ކުރިއަށްދާކަމުގައި ޕްރޮސިކިއުޓަ ޖެނެރަލް ހުސެއިން ޝަމީމް ވަނީ މި ދިޔަ ޖުލައި މަހުގެ ތެރޭގައި ވިދާޅުވެފައެވެ.
