ލ. މާބައިދޫގެ ނެރު ހެދުމުގެ މަސައްކަތް ނިމިއްޖެކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ވިދާޅުވެއްޖެއެވެ.
ލ. މާބައިދޫގެ އައު ނެރު ހެދުމުގެ މަޝްރޫޢުގެ ތެރެއިން ކުރީގައި ކަނޑާފައި އިން ނެރު ބަންދު ކުރުމުގެ މަސައްކަތާއި އާ ނެރެއް ކެނޑުމުގެ މަސައްކަތް ވަނީ ނިމިފައި ކަމަށް އެމްޓީސީސީ އިން ވިދާޅުވިއެވެ.
އަދި މިމަޝްރޫޢުގެ ތެރޭގައި 96.503،17 ކިއުބިކް މީޓަރުގެ ސަރަހައްދެއްގެ ނެރު ފުންކުރުމާއި، 253 މީޓަރުގެ
ސަރަހައްދެއްގައި ބޭރުތޮށި ލުމާއި ، 83 މީޓަރުގެ ސަރަޙައްދެއްގައި ރިވެޓްމެންޓް ޖެހުމާއި، މަގުބައްތި ހަރުކުރުން ހިމެނެއެވެ.
We have successfully completed work on the construction of L. Maabaidhoo Harbour New Channel project on 18th August 2020. Under this project, dredging operations of 17,503 cbm were undertaken to create a new harbour channel. Additionally, the existing harbour channel was closed. pic.twitter.com/PJZKIfkQDY
— MTCC Plc (@MTCCPlc) August 23, 2020
މާބައިދޫގެ އައު ނެރު ހެދުމުގެ މަޝްރޫޢު 18 އޯގަސްޓް 2020 ގައި ނިމިފައިވާއިރު މި މަސައްކަތަކީ މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ފަރާތުން އެމްޓީސީސީ އާއި ހަވާލުކޮށްގެން ކުރިއަށްގެންދިޔަ މި މަޝްރޫޢުގެ އެއްބަސްވުމުގައި އެމްޓީސީސީ ގެ ފަރާތުން ސޮއިކުރެވިފައިވަނީ 04 އޯގަސްޓް 2019 ގައެވެ.
މި މަޝްރޫޢުގެ އަމަލީ މަސައްކަތް ފަށާފައިވަނީ 16 ޖެނުއަރީ 2020 ގައެވެ. މި މަޝްރޫޢުއަކީ 4.22 މިލިއަން ރުފިއާގެ މަޝްރޫޢުއެކެވެ.
