ވެންގާ އެނބުރި ފުޓްބޯޅައަށް އަތުވެދާނެކަމުގެ އިޝާރާތެއް ދީފިއެވެ.
އެކަމު މިފަހަރު ކޯޗެއްގެ ގޮތުގައި ނުފެނިދާނެކަމަށާއި، އެހެންނަމަވެސް އިތުރު ވަޒީފާއެއް ހޯދަށް އުނދަގޫވެދާނެކަމަށްބުނެ މީޑިއާގައި ވެންގާ ޖޯކުޖަހާފައިވެއެވެ.
އާސެނަލްގައި 22 އަހަރު ހޭދަކުރުމަށްފަހު ވެންގާ އާސެނަލް ދޫކޮށްލީ މިދިޔަ އަހަރުގެ މެއި މަހުއެވެ. އޭގެ ފަހުން ވެންގާ އިތުރު ޓީމަކާއި ގުޅިފައެއް ނުވެއެވެ.
ވެންގާ އާޢިލާއާއެކު ވަގުތު ހޭދަކުރަމަށް ނެގި ބްރޭކަށްފަހު އެނބުރި ފުޓްބޯޅައިގެ ދާއިރާއަށް ނިކުންނަން ވިސްނާއިރު އަދިވެސް ބޮޑެތި ކްލަބްތަކަށް އިރުޝާދު ދިނުމުގެ ހުނަރާއި ޤާބިލުކަށް އެބަހުރިކަމަށް ވެންގާ ދެކެއެވެ.
" އަހަންނަކަށް ނޭނގޭ. އަހަރެން ފުޓްބޯޅައަށް އަދި އެނބުރި އަންނާނަން. އެކަމު އެއީ ކޮންމަޤާމަކަށް ކަމެއް ނޭނގޭ. ވެދާނެ މެނޭޖަރަކަށްވެސް ނޫނީ އެހެން ވަޒީފާއަކަށްވެސް " ވެންގާ ބުންޏެވެ.
އާސެނަލްގެ ކޯޗެއްގެ ގޮތުގައި ވެންގާ ހޭދަކުރި 22 އަހަރު ތެރޭ ފުޓުބޯޅައިގެ ގިނަ ޙަރަކާތްތަކެއްގައި ވެންގާވަނީ ބައިވެރިފައެވެ. މެނޭޖްމެންޓްގެ ކުރީ ލައިންގައެވެ. ޕަންޑިތުއެއްގެ ގޮތުގައެވެ. ކޮންފެރެންސް ތަކުގެ އިތުރުން ޗެރިޓީ ހަރަކާތްތަކުގައިވެސް ވެންގާ ބައިވެރިވެފައިވެއެވެ.
އުމުރުގައި އަދި ސީވީއެއް ނުލިޔާކަމަށާއި އެކަމަކު އުމުރުން 29 އަހަރުން ފެށިގެން 69 އަހަރާއި ހަމައަށް ހުއްޓާނުލާ މަސައްކަތްކޮށްފައިވާނެކަމަށް ވެންގާ ބުންޏެވެ.
މީގެ އިތުރުން ދެޤައުމުގެ މެދުގައި އޮންނަ ސިޔާސީ ހަމަނުޖެހުމެއްގެ ސަބަބުން މެއި 26 އޮންނަ ޔޫރޮޕާ ލީގު ފައިނަލްގައި އާސެނަލްގެ މިޚިތާރިޔަންއަށް ނުކުޅެވޭ މައްސަލާގައި ވެންގާވަނީ ނުރުހުން ފާޅުކޮށްފައެވެ.
