އައްޑޫ އިކްއެޓޯރިއަލް ހޮސްޕިޓަލް (އޭއީއެޗް) ގެ ފުރަތަމަ ނިއުރޯ ސާޖަރީ ކާމިޔާބު ކަމާއެކީ ކޮށްފިއެވެ.
އޭޑީކޭގެ އެހީތެރިކަމާއެކު ކުރި މިސާޖަރީ ކޮށްފައި ވަނީ ރޭގެ ވަގުތެއްގައެވެ. އެއީ އުމުރުން 62 އަހަރުގެ ފިރިހެނެއްގެ ބޮލަށް ލިބުނު އަނިޔާއަކާ ގުޅިގެންކުރި ސާޖަރީއެކެވެ.
މިސާޖަރީ ކޮށްފައިވަނީ ރޭ 11:45 އެހާކަންހާއިރުއެވެ.
Congratulations for the 1st neurosurgery @aeh_mv. We are happy to contribute to your work in saving lives. @AasandhaLtd #StaySafe pic.twitter.com/5WjdaV5RMP
— ADK Hospital (@ADKHospital) September 19, 2020
އޭޑީކޭ އިން ބުނީ އެ މީހާގެ ބޮލަށް ލިބުނު އަނިޔާއަކާ ގުޅިގެން އޭއީއެޗްގެ މެޑިކަލް ޓީމުން އޭޑީކޭގެ ނިއުރޯ ސާޖަރީ ޓީމުގެ އެހީއަށް އިއްޔެ ހަވީރުގެ ވަގުތެއްގައި އެދުނު ކަމަށާއި އެ ކޭސްގެ ގޮތުން އެމީހާ މާލެ ގެނައުން އެންމެ ރައްކާތެރި ކަމަކަށް ނުފެންނާތީ ސިއްހީ ސާމާނާއެކު އޭޑީކޭގެ ނިއުރޯ ސާޖަރީ ޓީމު އާސަންދައިގެ އެހީއާއެކު ރޭގެ ވަގުތެއްގައި އައްޑޫ އަށް ދިޔަ ކަމަށެވެ.
އޮޕަރޭޝަނަށްފަހު އެމީހާގެ ހާލަތު ރަނގަޅުވުމުން މިއަދުގެ ފަތިހުގެ ވަގުތެއްގައި އެމީހާ އިތުރު ފަރުވާއަށް މާލެއަށް ގެނެސްފައިވާ ކަމަށްވެސް އޭޑީކޭއިން ވަނީ ބުނެފައެވެ.
