ސިޔާސީ ޕާޓީތަކުގެ ޤާނޫނަށް ގިނަ އިސްލާހުތަކެއް ގެންނަން ހިމަނާފައިވާ ކަމުގައި އިލެކްޝަންސް ކޮމިޝަން (އީސީ) އިން ވިދާޅުވެއްޖެއެވެ.
އެގޮތުން އީސީ އިން މިއަދު ވިދާޅުވެފައި ވާ ގޮތުގައި ސިޔާސީ ޕާޓީތަކުގެ ޤާނޫނަށް ގެންނަން ފެންނަ އިސްލާހުތަކުގެ ޑްރާފްޓް ބަންޑާރަ ނައިބުގެ އޮފީހަށް މިއަދު ވަނީ ފޮނުވާފައެވެ.
އެކޮމިޝަންގެ ރައީސް އަޙްމަދު ޝަރީފް ވިދާޅުވެފައިވާ ގޮތުގައި މި އިސްލާހުތައް ހިމަނާފައި ވަނީ ސިޔާސީ ޕާޓީތަކުގެ މަޝްވަރާގެ މަތިންނެވެ.
Siyasee partythakuge qanoonah gennan fenna islaahthakuge draft bandaaranaibge ofeehah miadhu vanee fonuvifai
— Elections Commission (@ElectionsMv) October 26, 2020
އެގޮތުން ޝަރީފް ވަނީ މި މަޝްވަރާތައް ފެށުމުގައި ވާހަކަ ފުޅުދައްކަވަމުން ސިޔާސީ ޕާޓީތަކުގެ ޤާނޫނަށް އިސްލާހު ގެންނަނީ އެއްވެސް ފަރާތެއްގެ ޕްރެޝަރު އޮވެގެނެއް ނޫން ކަމަށް ވިދާޅުވެފައެވެ.
ޤާނޫނަށް ގެންނަ އިސްލާހުތަކުގެ ޑްރާފްޓްގައި ސިޔާސީ ޕާޓީތަކަށް ފައިސާ ދޫކުރުމާއި ގުޅޭ ގޮތުންނާއި ޕާޓީތަކުން ދަރަންޏަށް ޒިންމާ ވުމާއި ގުޅޭ ގޮތުންވެސް ވަނީ އިސްލާހުތައް ހިމެނިފައެވެ.
