ކުރިއަށް އޮތް ހަތަރު ފަސް މަހެއްހާ ދުވަހުގެ ތެރޭގައު ކޮވިޑް-19 ގެ ވެކްސިނެއް ރާއްޖެއަށް ލިބޭނެކަމުގެ އުއްމީދު އެބައޮތްކަމަށް ރައީސް އިބްރާހީމް މުޙައްމަދު ޞޯލިޙް ވިދާޅުވެއްޖެއެވެ.
ރައީސް ޞޯލިޙް މިހެން ވިދާޅުވީ، ހއ. ހޯރަފުށީ ޑޮމެސްޓިކް އެއާޕޯޓް ހުޅުވުމުގެ ރަސްމިއްޔާތުގައި ވާހަކަފުޅު ދައްކަވަމުންނެވެ.
ރައީސް ވިދާޅުވީ، މިއީ ކޮވިޑް-19ގެ ދަތި އުންދަނގޫ ވަގުތު ކަމަށާއި މިވަގުތު ދެމުންގެންދާ ލުއިތަކާއެކު، އަޅަންވާ ރައްކާތެރިކަމާއެކުގައި ކުރިއަށް ވަޑައިގަތުމަށް އެދޭ ކަމަށެވެ.
އެންމެ ގިނަވެގެން ކުރިއަށް އޮތް ހަތަރު ފަސް ތެރޭގައި ކޮވިޑް-19ގެ ވެކްސިނެއް ރާއްޖެއާ ހިސާބަށް ލިބުމުގެ އުންމީދު އެބައޮތް ކަމަށާއި އެހިސާބުން އުންމީދުކުރާ ބަދަލުތައް ރާއްޖެއަށް އައިސް ރާއްޖޭގެ އިޤްތިޞާދު ކުރިއަރައިގެން ދާނެ ކަމަށް ރައީސް ޞޯލިޙް ވިދާޅުވިއެވެ.
