ކެ ލޯކަލް ކައުންސިލު އިންތިހާބު ބާއްވަން ހުރަސްތަކެއް ހުރިނަމަވެސް އިންތިހާބު ބާއްވައިދޭން ހުޅުމާލޭ ދާއިރާގެ މެމްބަރު އަލީ ނިޔާޒު އިލެކްޝަންސް ކޮމިޝަނުގެ ކިބައިން އެދިވަޑައިގެންފިއެވެ.
ސަރުކާރުގެ ފަރާތުން މެމްބަރު ނިޔާޒު ހުށަހަޅުއްވާފައިވާ ބިލު ކޮމިޓީން ދިރާސާކޮށް ނިންމި ގޮތުގެ ރިޕޯޓަށް ދައުރުން ބޭރުން މިއަދު ބޭއްވި ޖަލްސާގައި ވާހަކަ ދައްކަވަމުން އެބޭފުޅާ ވިދާޅުވީ، އީސީގެ މެންބަރުން ފާޅުކުރެއްވި ގިނަ ކަންބޮޑުވުންތަކަށް ކޮމިޓީން ފުރިހަމައަށް ރިއާއަތްކޮށް، ރަނގަޅު ބަދަލުތަކެއް ގެނެސްފައިވާ ކަމަށެވެ.
ނަމަވެސް، އިންތިހާބު ބާއްވަން ހުރިހާ މުއައްސަސާތަކެއްގެ އެއްބާރުލުން ބޭނުންވާކަން ތަކުރާރުކުރައްވަމުން، ނިޔާޒް ވިދާޅުވީ މި ބިލުން އެޗްޕީއޭއަށް ލާޒިކުރާ ގައިޑްލައިން ވާންވާނީ، މިނިވަން އަދި އިންސާފުވެރި އިންތިހާބެއް ބޭއްވުމަށް މަގުފަހިވާ އެއްޗަކަށް ކަމަށެވެ.
މާސްކު އަޅަން ޖެހުމާއި، ތިން ފޫޓު ދުރުގައި ތިބެން ޖެހުމާއި ވޯޓު ފޮށި ކައިރީގައި ތިބޭ މީހުން ޕީޕީއީ އަޅައިގެން ތިބެން ޖެހުމަކީ އިންތިހާބަށް ހުރަސް އެޅޭނެ ކަންކަން ކަމަށް ބަލައިގެން އިންތިހާބު މިހާލަތުގައި ނުބޭއްވޭނެ ކަމަށް އަލީ ނިޔާޒު ވިދާޅުވިއެވެ.
ކޮމިޓީން ގެނައި އިސްލާހުތަކާއެކު މަޖިލީހުގެ މިއަދުގެ ޖަލްސާގައި މިއަދު ސިއްހީ ކުއްލި ނުރައްކަލުގެ ހާލަތު އުވައި ނުލާ ލޯކަލް ކައުންސިލް އިންތިހާބު ބޭއްވޭގޮތަށް ގާނޫނަށް ބަދަލުގެންނަން ފާސްކޮށްފައެވެ.
