ރައީސް އޮފީހުގެ ތަރުޖަމާނު މަބްރޫކު އަޒީޒު ކުރެއްވި ޓުވީޓެއްގައި ވިދާޅުވީ، މިއަދު މެންދުރުފަހު 14:00 ގައި ކޮވިޑް19ގެ ބަލިމަޑުކަމުން އަރައިގަތުމަށް ސަރުކާރުން ކުރަމުންދާ މަސައްކަތްތަކުގެ އެންމެ ފަހުގެ މައުލޫމާތު ހިއްސާކުރައްވައި ކޮވިޑް-19 އާއި ގުޅޭގޮތުން ރައީސް ގައުމާ މުހާތަބު ކުރައްވާ ވާހަކަފުޅު ދައްކަވާނެ ކަމަށެވެ.

މިއަދު ރައީސް ގައުމާ މުހާތަބު ކުރައްވާއިރު އިންޑިއާއިން ރާއްޖެއަށް ހަދިޔާކުރާ ކޮވިޑް ވެކްސިންގެ 100،000 ޑޯޒް މިއަދު މެންދުރު ރާއްޖެއަށް ލިބޭނެ އެވެ. އިންޑިއާއިން ރާއްޖެ ފޮނުވަނީ އޮކްސްފޯޑުގެ ވެކްސިން "ކޮވި ޝީލްޑް" އެވެ.

ކޯވިޑް-19ގެ ބަލިމަޑުކަމުން އަރައިގަތުމަށް ސަރުކާރުން ކުރަމުންދާ މަސައްކަތްތަކުގެ އެންމެ ފަހުގެ މަޢުލޫމާތު ދިވެހި ރައްޔިތުންނާ ޙިއްޞާކުރެއްވުމަށް ރައީސުލްޖުމްހޫރިއްޔާ މިއަދު މެންދުރުފަހު 14:00 ގައި ރައްޔިތުންނާ މުޚާތަބު ކުރައްވާނެ.

މި އިވެންޓް ލޯކަލް ޗެނަލްތަކުން ދައްކާނެ.

— Mabrook Azeez (@MvSpokesperson) January 20, 2021