އަމިއްލަ ރަށު ސުކޫލު ގޮއްވާލަން މަސައްކަތް ކުރާ ހިސާބަށް ބަޔަކުގެ ވިސްނުން ދިޔުމަކީ ބިރުވެރިކަމެއް ކަމަށް ރައްޔިތުން މަޖިލީހުގެ އުނގޫފާރު ދާއިރާގެ އެމްޑީޕީގެ މެންބަރު މުހައްމަދު ވަހީދު (ވައްޑެ) ވިދާޅުވެއްޖެއެވެ.
ތިމަރަފުށީގައި ދީނުގެ ނަމުގައި ހަރުކަށި ފިކުރު ގަބޫލު ކުރާ މީހުންނާ ޓެރަރިސްޓް ޖަމާއަތެއް ކަމަށްވާ އައިއެސްއާ ގުޅިގެން އެ ރަށުގައި ހުންނަ ތ. އަތޮޅު ތައުލީމީ މަރުކަޒުގައި މިދިޔަ އަހަރު އޯލެވެލް އިމްތިހާން ހަދަމުން ދަނިކޮށް ގޮއްވާލަން އެ މީހުން ރޭވި ކަމަށް ފުލުހުން ވިދާޅުވުމާއި ގުޅިގެން ކުރެއްވި ޓްވީޓެއްގައި ވައްޑެ ވިދާޅުވީ، އަމިއްލަ ރަށުގެ ސްކޫލް ގޮއްވާލަން މަސައްކަތްކުރާ ހިސާބަށް ބަޔަކުގެ ވިސްނުން ދިޔުމަކީ ބިރުވެރިކަމެއް ކަމަށެވެ.
މީގެ އިތުރުން، ދިވެހި އެތައް އާއިލާއެއްގެ އެތައް ސަތޭކަ ބަޔަކު ހަނގުރާމައަށް ގޮސް އެތައްބަޔަކު މަރުވެގޮސްފިކަން ފާހަގަކުރައްވަމުން ވައްޑެ ވިދާޅުވީ، އެކަމަކު އެއިންކަމެއްގެ ވާހަކަ ދެއްކުންވެސް ބިރުވެރި ކަމަކަށް ވެފައި އޮތް ކަމަށެވެ.
ތ. އަތޮޅު ތައުލީމީ މަރުކަޒު ގޮއްވާލަން ރޭވިރޭވުމުންވެސް އެނގިގެންދަނީ މައްސަލައިގެ ނުރައްކާތެރިކަން މުޅިމުޖްތަމަޢަށް ފެތުރި އާއްމުވެފައިވާ މިންވަރު ކަމަށްވެސް ވައްޑެ ވިދާޅުވިއެވެ.
ވައްޑެ ވަނީ އެބޭފުޅާގެ ޓްވީޓްގައި އެއީ ތިމަރަފުށީ ދެތިން ކުއްޖަކާ އައްޑޫ ސިޓީގައި އެކަހެރިވެގެން އުޅޭ ކުދިންކޮޅެއްގެ އެކަނި ކަމެއްނޫން ކަން ފާހަގަކުރައްވާ، މާބޮޑަށް ރޭވިގެން، އެހެން ކިތަންމެ ބަޔަކު ޝާމިލްވެގެން ހިންގާ އަނދިރި ހަރަކާތެއް ކަމަށްވެސް ވިދާޅުވެފައެވެ.
2 Responses
ތިޔަ ދައްކާ ވާހަކަ އޯކޭ..އެކަމަކު ޢިލްމު ވެރިން ދައްކާ ޢިލްމީ ވާހަކަ ތަކަށް އަނގަ ބާނާހާ ފެންވަރެއް ނެތް.
Biruverikameh thiee adhi Allah aai rasoola ah furassaarakurumakee adhi maa bodukameh.