މޫދަށް ފޭބި ސިފައިންގެ މީހަކު ގެއްލިގެން ހޯދުމުގެ މަސައްކަތް ފަށައިފިއެވެ.
އެމްއެންޑީއެފް އިން ވިދާޅުވީ، ލ. ކައްދޫގެ އިރުމަތީފަރާތު މޫދަށް ފޭބި ހަތަރު ސިފައިންގެ ތެރެއިން ލާންސް ކޯޕަރަލް ހުސައިން ފާރިޝް ގެއްލިގެން އޭނާ ހޯދުމުގެ މަސައްކަތް ކުރަމުންދާ ކަމަށެވެ.
މިހާދިސާގެ ރިޕޯޓް ލިބިފައިވަނީ މިއަދު ހަވީރު 17:40 ހާއިރު ކަމަށްވެސް އެމްއެންޑީއެފް އިން ވިދާޅުވިއެވެ.
L.Kadhdhoo ge irumathee faraathu Moodhah feybi 4 sifainge therein Lcpl Hussain Farish(sn.7613) gelligen, eyna hoadhumuge massaikaiy MNDF CA CG Squadron ge diverun dhanee kuramun. Mi haadhisaage report libifai vanee 17.40 haairu. pic.twitter.com/F1XjxMdozn
— Maldives National Defence Force (@MNDF_Official) March 30, 2021
މީގެއިތުރުން ގެއްލުނު ސިފައިންގެ މީހާ ސަލާމަތް ކުރަން އުޅުނު ސިފައިންގެ މީހަކު ގެނބިގެން ފަރުވާދެމުންދާކަމަށްވެސް އެމްއެންޑީއެފުން މަޢުލޫމާތު ދެއެވެ. އަދި އެމީހާގެ ހާލު އަންނަނީ ރަނގަޅުވަމުންކަމަށްވެސް ވިދާޅުވިއެވެ.
ގެެއްލުނު ސިފައިންގެ މީހާ ހޯދުމުގެ މަސައްކަތް ކޯސްޓު ގާޑުގެ ޑައިވަރުން މިހާރުވެސް ދަނީ ކުރަމުންނެވެ.
މިހާދިސާ ހިނގާފައިވަނީ މަސް ހިފަން ސްނޯކްލިންގއަށް ގޮސް އުޅުމުގެ ތެރޭގައެވެ. އަދި މި ހަތަރު ސިފައިން ސްނޯކްލިންގއަށް ދިޔައީ ޑިއުޓީ އޮފް ގަޑީގައިކަމަށްވެސް އެމްއެންޑީއެފުންވަނީ މަޢުލޫމާތު ދީފައެވެ.
