ކޮވިޑް-19 ގައި އިތުރު މީހަކު ރާއްޖެއިން ނިޔާވެއްޖެއެވެ.
ކޮވިޑް ޖެހިގެން މިއަދު ނިޔާވެފައި ވަނީ އުމުރުން 66 އަހަރުގެ ފިރިހެނެކެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ވަނީ ކޮވިޑް ޖެހިގެން މިއަދު ރާއްޖޭގައި މީހަކު ނިޔާވެފައިވާކަން ކަށަވަރު ކޮށްދެއްވާފައެވެ.
އެގޮތުން އެޗްޕީއޭ އިން ވިދާޅުވީ މިއަދު މެންދުރު 12:27 ގައި އައިޖީއެމް ހޮސްޕިޓަލަށް އެއްވެސް ހަރަކާތެއް ނެތް އުރުން 66 އަހަރުގެ ފިރިހެނެއް ގެނެވިފައިވާކަމަށާއި، އަދި އެމީހާ ނިޔާވީ ހޮސްޕިޓަލަށް ގެނަތާ ކުޑަ އިރުކޮޅެއް ފަހުން މިއަދު މެންދުރު 12:35 ގައި ކަމަށެވެ. އަދި އެމީހާއަކީ ކޮވިޑް ޖެހިގެން ނިޔާވި މީހެއްކަމަށް އެޗްޕީއޭ އިން ވަނީ ނިންމާފައެވެ.
Today at 12:27pm a 66 year male brought to IGMH/ER in an unresponsive state was declared dead at 12:35pm
This is the 67th COVID-19 death in the Maldives
Our thoughts and prayers are with the bereaved family. May Allah grant him soul eternal peace in heaven
— Health Protection Agency (@HPA_MV) March 31, 2021
އެެހެން ކަމުން ކޮވިޑް ޖެހިގެން ރާއްޖެއިން ނިޔާވި މީހުންގެ އަދަދު މިވަނީ 67 އަށް އަރާފައެވެ.
އެޗްޕީއޭ އިން އެންމެ ފަހުން އާންމު ކުރި މަޢުލޫމާތަށް ބަލާއިރު ރާއްޖޭގައި މިހާތަނަށް 23،838 މީހަކަށް ވަނީ ކޮވިޑް-19 ޖެހިފައެވެ. އޭގެ ތެރެއިން މިބައްޔަށް ފަރުވާ ހޯދަމުން މިހާރު ދަނީ 2،780 މީހެކެވެ.
ރާއްޖޭގައި އިއްޔެވެސް މި ބައްޔަށް 167 މީހަކު ވަނީ ޕޮޒިޓީވް ވެފައެވެ. މާލޭގެ އިތުރުން އަތޮޅު ތެރޭގައިވެސް ވަރަށް ބޮޑަށް ކޮވިޑް މިހާރު ވަނީ ފެތުރިފައެވެ.
