ކ. ހުދުރަންފުށި ރިސޯޓަށް 8 މީހުންނާއި އެކު ދަތުރުކުރި ދޯންޏެއް އުރިއްޖެއެވެ.
މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން ވިދާޅުވީ، އެ ރިސޯޓްގެ ނެރުމައްޗަށް އުރިފައިވަނީ 93 ފޫޓްގެ "ދިރުން" ނަމަކަށް ކިޔާ މުދާ އުފުލާ ދޯންޏެއް ކަމަށެވެ.
އެމްއެންޑީއެފް އިން ވިދާޅުވީ މި ހާދިސާގެ ރިޕޯޓް އެމްއެންޑީއެފް އަށް ލިބިފައިވަނީ މިއަދު ހެނދުނު 10:20 ހާއިރު ކަމަށާއި އަދި މިހާރު އެ ދޯނި ވަނީ ފުންކޮށްފައި ކަމަށެވެ.
K. Hudhuranfushi resort ah 8 meehunaa eku dhathuru kuri 93ft ge mudhaa ufulaa " Dhirun" dhoani e resort ge nerumahchah urigen, MNDF Male' Area, Coast Guard Squadron ge diverun eheetherikan foaru kohdheefi. Mi haadhisaage report libifai vanee miadhu 10:20 haairu. pic.twitter.com/AKHBcrwZKG
— Maldives National Defence Force (@MNDF_Official) May 26, 2021
މި ހާދިސާ ހިނގިއިރު، ދޯނީގައި ދިވެއްސަކާއި 7 ބިދޭސީން ތިބިއިރު އެއްވެސް މީހަކަށް އަނިޔާއެއް ލިބިފައި ނުވާކަމަށް އެމްއެންޑީއެފް އިން ވިދާޅުވިއެވެ. އަދި ދޯންޏަށްވެސް އެއްވެސް ގެއްލުމެއް ނުވާކަމަށް ވިދާޅުވިއެވެ.
