ރާއްޖޭގެ ގެދޮރުވެރިކަން ހައްލުކޮށް، މަސްވެރިކަން ފުޅާކުރުމަށް ސައުދީ ޢަރަބިއްޔާއިން 50 މިލިއަން ޑޮލަރު (771 މިލިޔަން ރުފިޔާ) ގެ އެހީއެއް ދޭން ނިންމައިފިއެވެ.
ދެ ދާއިރާއަކަށް 25 މިލިއަން އެމެރިކާ ޑޮލަރުގެ އެހީ ދިނިމުގެ މި އެއްބަސްވުމުގައި ދެޤައުމުން ސޮއިކޮށްފައިވަނީ ކުރުނބާ މޯލްޑިވްސްގައި މިހާރު ކުރިއަށްދާ މޯލްޑިވްސް ޕާޓްނަޝިޕް ފޯރަމްގެ ތެރެއިންނެވެ.
ސައުދީއިން އެހީ ދިނުމަށް ނިންމާފައިވަނީ ރާއްޖޭގެ ގެދޮރުވެރިކަމުގެ މައްސަލަ ހައްލުކުރުމަށާއި، ރާއްޖޭގެ މަސްވެރިކަމުގެ ދާއިރާ ފުޅާކުރުމަށެވެ.
ސައޫދީ ރަސްގެފާނު ސަލްމާން ބިން އަބްދުލްއަޒީޒްގެ ޚަރަދުގައި މާލޭގައި އިމާރާތް ކުރާ މިސްކިތަށް ސައޫދީ އަރަބިއްޔާއިން 8 މިލިއަން ޑޮލަރު ލިބިފައިވާކަމަށް ފިނޭންސް މިނިސްޓަރ އިބްރާހިމް އަމީރު ވިދާޅުވިއިރު، އެ މިނިސްކިތަށް ބޭނުންވާ އިތުރު ފައިސާ ހަމަޖެހި އަންނަ ޖުލައި މަހުގެ ތެރޭގައި މިސްކިތް ނިންމާލުމަށް ސަރުކާރުން ވަނީ އަމާޒު ހިފާފައެވެ.
ޕާޓްނަރޝިޕް ފޯރަމްގެ ތެރެއިން މި ނޫން އެހެން ޤައުމުތަކުންވެސް އެކި މަޝްރޫއުތަކަށް އެހީތެެރިކަން ފޯރުކޮށްދީފައިވާކަން ފާހަގަކޮށްލެވެއެވެ.
