ނ. މާޅެންދޫގައި އަންހެނަކު ދަންޖެހިފައި ހުއްޓާ ފެނިއްޖެއެވެ.
ދަން ޖެހިފައި ހުއްޓާ ފެނުނީ 7 ކުދިންގެ މަންމައެއްކަމަށްވާ، އުމުރުން 50 އަހަރުގެ އަންހެނެކެވެ. މި ނޫހަށް މަޢުލޫމާތު ލިބިފައިވާ ގޮތުގައި ދަންޖެހިފައި ހުއްޓާ ފެނުނު އަންހެން މީހާ ފެނުނު އިރުވެސް ހުރީ މަރުވެފައެވެ.
އޭނާގެ ހަށިގަނޑު މިހާރު ވަނީ އެ އަތޮޅު މަނަދޫއަށް ގެންގޮސްފައެވެ. އޭނާ ދަންޖެހިފައި ހުރީ އޭނާ ދިރިއުޅޭ ގޭގައި ހުރި ކުޑަ ބަދިގެއެއްގެ ތެރޭގައެވެ. ދަންޖެހިފައި ހުއްޓާ ފެނިފައިވަނީ ރޭ ފަތިހުގެ ވަގުތެއްގައެވެ.
މި މައްސަލައާއި ގުޅިގެން މޯލްޑިވްސް ޕޮލިސް ސަރވިސް އިން ވަކި އެއްޗެއް ވިދާޅުވެފައެއް ނުވެއެވެ.
މިލަދުންމަޑުލު ދެކުނުބުރީ މާޅެންދޫ އަކީ އާބާދީގައި 857 މީހުން ދިރިއުޅޭ ރަށެކެވެ.
