މޯލްޑިވްސް ކަރެކްޝަންސް ސާރވިސްގެ ޖަލުތައް ފުރި ޖާގަނެތިގެން، މޯލްޑިވްސް ޕޮލިސް ސާވިސް ބެލުމުގެ ދަށުގައި ދޫނިދޫ ޖަލުގައި 58 ގައިދީން އެބަތިމިކަމަށް ޕޮލިހުން ބުނެފިއެވެ.
ޕޮލިހުން ބުނެފައިވަނީ މޯލްދިވްސް ކަރެކްޝަންސް ސާރިވިސްއާއި ހަވާލުކުރަންޖެހޭ 58 ގައިދާއިކު އެބަތިމިކަމަށެވެ. އަދި އޭގެތެރެއިން 50 މީހުންނަކީ ހުކުމް ތަންފީޒުކުރަން ހަވާލުކުރަންޖެހޭ މީހުން ކަމަށާއި އަދި އަށް މީހުންނަކީ ޝަރީއަތް ނިމެންދެން ބަންދުގައި ބަހައްޓަން ކުރި އަމުރުތަކާ ގުޅިގެން ހަވާލުކުރަންޖެހޭ މީހުންކަމުގައެވެ.
ޕޮލިހުން އިތުރަށް ބުނެފައިވަނީ މިގައިދީންތައް ހަވާލުނުކުރެވިފައިވަނީ، މޯލްޑިވްސް ކަރެކްޝަންސް ސާރވިސްގެ ޖަލުތައް ފުރި ޖާގަނެތިގެން ހަވާލުވާން އުޒުރުވެރިވާތީކަމުގައެވެ.
ކަރެކްޝަންސްއާއި ހަވާލުނުކުރާތީ ހިންހަމަނުޖެހިގެން މީގެތެރެއިން 8 މީހަކު އިއްޔެ ކެއުމަށް އިންކާރުކޮއްފައިވެއެވެ. ނަމަވެސް ކައުމަށް އިންކާރުކުރި މީހުންގެ ތެރެއިން 7 މީހުން މިއަދު ކާން ފަށާފައިވާކަމަށް ޕޮލިހުން ބުނެފައިވެއެވެ.
