ދިރާގުއާއި އޫރިދޫއާއި ނޫން އެހެން ކުންފުންޏެއް ޓެލެކޮމިއުނިކޭޝަން ޚިދުމަތް ދިނުމަށް ރާއްޖެއަށް އަންނަން ވެއްޖެކަމަށް ރައްޔިތުންގެ މަޖިލީހުގެ ނާއިބު ރައީސް، ގަލޮޅު އުތުރު ދާއިރާގެ މެންބަރު އީވާ އަބުދުﷲ ވިދާޅުވެއްޖެއެވެ.
އީވާ މިހެން ވިދަޅުވެފައި ވަނީ މިއަދު ކުރިޔަށްދިޔަ ރައްޔިތުންގެ މަޖިލީހުގައި ވާހަކަ ފުޅު ދައްކަވަމުންނެވެ. އީވާ ވިދާޅުވެފައިވަނީ ދުނިޔޭގެ ޤައުމުތަކާއި އަޅާ ބަލާއިރު ރާއްޖޭގައި އިންޓަނެޓްގެ އަގުތައް ބޮޑުކަމަށާއި، އެއާއިއެކު ޚިދުމަތުގެ ފެންވަރުވެސް އެހާ ދައްކަމަށެވެ.
"ދުނިޔޭގެ އަގުތަކާއި ބަލާފަ ވަކި އަގުވެސް ރަނގަޅީއަކީ ނޫން، ދިވެހިރާއްޖޭގެ އެކި ކަންކޮޅުތަކަށް ބަލާލާއިރު އިންޓަނެޓް ޚިދުމަތް އަސްލުގައި ލިބެޔޭ ދަންނަން ކެރޭ ވަރެއްވެސް ނުވޭ" އީވާ ވިދާޅުވެފައިވެއެވެ.
އިންޓަނެޓްގެ އަގުތަށް ތިރި ކުރުމަކީ އިބްރާޙީމް މުޙައްމަދު ޞާލިޙްގެ ރިޔާސީ ވަޢުދަކަށް ވާއިރު، ގިނަ ބަޔަކު ވަނީ އިންޓަނެޓް އަގުތަށް ރާއްޖޭގައި ބޮޑުކަން ފާހަގަ ކޮށް އެކަމާއި ދެކޮޅަށް ސޯޝަލް މީޑިއާގައި އަޑު އުފުލާފައެވެ.
އިންޓަނެޓްގެ އަގުތަކުގެ އިތުރުން ޚިދުމަތް ހޯދުމުގައި ގިނަ ދަތިތަކެއް ހުރިކަންވެސް ފާހަގަ ކޮށްލެވެއެވެ. އެގޮތުން ރަނގަޅު ސްޕީޑްގައި ޚިދުމަތް ނުލިބުމާއި، ޚިދުމަތް މެދު ކެނޑުމަކީ ކޮންމެ ދުވަހަކުހެން ދިމާވާ މައްސަތަކެވެ. ރާއްޖޭގެ އާބާދީއަށް ބަލާއިރު ގިނަ ބަޔަކު އިންޓަނެޓްގެ ބޭނުން އަންނަނީ ކުރަމުންނެވެ.
އެގޮތުން ސަރުކާރު އޮފީސްތަކާއި އަމިއްލަ އޮފީސްތަކުގެ އިތުރުން އެކިއެކި ޖަމިއްޔާ ޖަމާއަތް ތަކުންވެސް ގިނަ މަސައްކަތްތައް ކުރަމުން އަންނަނީ އިންޓަނެޓް ޒަރީއާއިންނެވެ.
އީވާ އިތުރަށް ވިދަޅުވެފައި ވަނީ މިހާރު އެލިބޭ އަގުގައި އެ ސްޕީޑްގައި އެލިބޭ އިންޓަނެޓް ޚިދުމަތަކީ، ވިހިވިހީގައި އެލިބެނީ އިންޓަރ ނެޓް ކިދުމަތޭ ދަންނަވަންވެސް ކެރޭފަދަ ޚިދުމަތެއް ނޫންކަމަށެވެ.
"ސަބަބަކީ ޚިދުމަތް ވަކި ރަނގަޅެއްނުވި، ދުނިޔެ ފެންވަރަކަށް ޚިދުމަތެއްނައި، އިންޓަނެޓް ނުކެނޑޭ ދުވަހެއް މަދުވާނެ" އިވާ ވިދާޅުވެފައިވެއެވެ.
ރައްޔިތުން ތިބީ އިންޓަނެޓްގެ ޚިދުމަތާއި އަގުތަކަށް ރަނގަޅު ބަދަލެއް އަންނާނެ ދުވަހެއްގެ އިންތިޒާރުގައެވެ. މިކަމާއިގުޅިގެން ސަރުކާރުން ވަނީ އިންޓަނެޓްގެ އަގުތަކަށް ރަންގަޅު ބަދަލުތަކެއް ގެނެސްދެއްވާނެކަމަށް ވިދާޅުވެފައެވެ.
