ކޮވިޑް-19 ޖެހިގެން 6 ވަނަ މީހަކު ރާއްޖެއިން ނިޔާވެއްޖެއެވެ.
ހެލްތު ޕްރޮޓެކްޝަން އޭޖެންސީ (ޢެޗްޕީއޭ) އިން ވިދާޅުވީ، ނިޔާވެފައިވަނީ މިއަދު މެންދުރުފަހު02:30 ގައި ޓްރީޓޮޕް ހޮސްޕިޓަލްގައި އެޑްމިޓްކުރި 54 އަހަރުގެ ބަންގްލަދޭޝް ފިރިހެނެއް ކަމަށެވެ.
މިއީ ކޮވިޑް-19 ޖެހިގެން ރާއްޖެއިން ނިޔާވި ހަވަނަ މީހާއަށްވާއިރު، މީގެ ކުރިން މި ބަލީގައި ރާއްޖެއިން ނިޔާވެފައިވަނީ ދެ ދިވެހިންނާއި 3 ބިދޭސީންނެވެ.
Today at 02:30pm, a 54 year old Bangladeshi male admitted at Tree Top Hospital has passed away.
This is the 6th COVID-19 death in the Maldives.
Our thoughts and prayers are with the bereaved family. May Allah grant his soul eternal peace in heaven.
— Health Protection Agency (@HPA_MV) June 1, 2020
ރާއްޖޭން ކޮވިޑް-19 އަށް ޕޮޒިޓިވްވި މީހުންގެ ޖުމްލަ ޢަދަދު 1773 އަކަށް އަރާފައިވާއިރު، މީގެ ތެރެއިން 54.94 އިންސައްތަ މީހުންނަނީ ބަންގްލަދޭޝްގެ ރައްޔިތުންނެވެ. މި ބަލި ޖެހިފައިވަނީ މީގެ ތެރެއިން 563 ދިވެހިންނަށެވެ.
ރާއްޖެއިން މި ބަލި ޖެހުނު މީހުންގެ 86.24 އިންސައްތައަކީ ފިރިހެނުންނަށްވާއިރު، ބަލި ޖެހުނު މީހުންގެ ތެރޭގައި 18 އިމްޕޯޓެޑް ކޭސް ހިމެނޭކަމަށް އެޗްޕީއޭއިން ވިދާޅުވިއެވެ.
ރާއްޖެއިން ކޮވިޑް-19 ފެނުނުތާ86 ދުވަސް ވެފައިވާއިރު،453 މީހުން (25.55 އިންސައްތަ) މީހުން ވަނީ ބަލިން ރަނގަޅުވެފައެވެ.
