ހުޅުމާލެ ފޭސް 2 އިން ފެންނަނީ ރައީސް ޔާމީން ފެއްޓެވި މަޝްރޫޢުތައް ކަމުގައި ކުރީގެ ހައުސިން މިނިސްޓަރ ޑރ. މުޙައްމަދު މުޢިއްޒު ވިދާޅުވެއްޖެއެވެ.
ހުޅުމާލެ ފޭސް 2 ގައި އިމާރާތްކުރާ 1700 ހައުސިން ޔުނިޓުގެ ބިންގާ އެޅުމަށް ބޭއްވި ރަސްމިއްޔާތުގެ ފޮޓޯއެއް ހިއްސާކުރައްވައި މުޢިއްޒު ވަނީ އެއީވެސް އޮޅިގެން ކުރެވުނު ކަމެއްތޯ ސުވާލު ކުރައްވާފައެވެ. "ބިންގާ އެޅީ އިރު %85 ފައުނޭންސް ހަމަނުޖެހޭ. އަދިވެސް ހަމަނުޖެހޭ" މުޢިއްޒު ވިދާޅުވެފައިވެއެވެ.
މުޢިއްޒު ވިދާޅުވެފައިވަނީ ފައިނޭންސް ހަމަޖެހުމުގެ ފުރުޞަތު ވަރަށް ހަނި ކަމަށާއި، ހުޅުމާލެ ފޭސް 2 އިން ފެންނަނީ ހަމަ އެކަނި ރައީސް ޔާމީން ފައްޓަވާފައިވާ މަޝްރޫޢުތައް ކަމަށެވެ.
Meeves olhigen kurevunu kamehtho? Bingaa elhi iru,85% finance hamanujehey. Adhives hamanujehey.Hamajehumuge furusathuves varah hani.Adhi Hulhumale phase 2 in fennanee hamaekani RY fattavaafaivaa mashroou thah @Mihaarunews @sunbrk @avasmv @VaguthuOnline @dhenonline @DhiyaresNews pic.twitter.com/2L6V2XHOB8
— Dr Mohamed Muizzu (@MMuizzu) June 9, 2020
ކުރީގެ ހައުސިން މިނިސްޓަރ ޑރ. މުޙައްމަދު މުޢިއްޒު މިހެން ވިދާޅުވެފައިވަނީ ރައީސް ޔާމީން ސަރުކާރުން އަޅާފައިވާ ހިޔާ މަޝްރޫޢުގެ ފްލެޓްތަކާއި ގުޅޭ ގިނަ މައްސަލަތަކެއް ފާހަގަ ކުރަމުންދާ ދުވަސްވަރެއްގައެވެ.
