ތާރީޚުން ފިލާވަޅު ލިބިގަތުމަށް ކުރީގެ ހައުސިން މިނިސްޓަރ ޑރ. މުޙައްމަދު މުޢިއްޒު ގޮވާލައްވައިފިއެވެ.
މުޢިއްޒު ކުރައްވާފައިވާ ޓްވީޓެއްގައި ވިދާޅުވެފައި ވަނީ ލޯ ކުރިމަތީގައި ނިއުޅެމުންދާ ހަޤީޤަތްތަކަށް ލޯ މަރާލާ ޣާފިލްވެގެން ތިބެއްޖެނަމަ، ޤައުމުގެ މިނިވަންކަމާއި އިސްތިޤްލާލަށް ލިބިގެން ހިނގައިދާނެ ގެއްލުމާމެދު ވިސްނެވުމަށެވެ. "ތާރީޚުން ފިލާވަޅު ލިބިގަނެ، ނިކަން ހޭއަރާ" މުޢިއްޒު ކުރައްވާފައިވާ ޓްވީޓްގައި ވިދާޅުވެފައިވެއެވެ.
މީގެ އިތުރުން ޤައުމުގެ ޙައްޤުގައި ކަމަރު ބެންނެވުމަށްވެސް މުޢިއްޒު ވަނީ ގޮވާލައްވާފައެވެ.
Loa kurimatheegai niulhemundhaa haqeeqaithakah loa maraalaa ghaafilvegen thibejjenama, qaumuge minivankamaa isthiqlaalah libigen hingaidhaaney gellumaamedhu visnavaa, thaareekhun filaavalhu libigane, nikan heyaraa, qaumuge haqqugai kamaru bannamaatho! pic.twitter.com/nn9Etu8NDn
— Dr Mohamed Muizzu (@MMuizzu) August 29, 2020
މުޢިއްޒު މިހެން ވިދާޅުވެފައިވާއިރު "ރާއްޖެ ވިއްކާލުމާ ދެކޮޅަށް" އިދިކޮޅު ފަރާތްތަކުން ވަނީ ރާއްޖޭގެ އެކިކަންކޮޅު ތަކުގައި މުޒާހަރާތައް ބާއްވާފައެވެ. އެގޮތުން ރާއްޖޭގެ ގިނަ ރައްތަކެއްގައި މުޒާހަރާތައް ބާއްވާފައިވާއިރު، މާލޭގައިވެސް މިދިޔަ ހުކުރު ދުވަހު އިދިކޮޅު ކޯލިޝަނުން ވަނީ ސައިކަލު ބުރެއް ބާއްވާފައެވެ.
މާލޭގައި އިދިކޮޅުން ބޭއްވި ސައިކަލް ބުރުގައި އެޗްޕީއޭގެ ގައިޑްލައިންއާއި ޚިލާފުވެފައިވާތީ މިކަމުގައި އިސްކޮށް ހަރަކާތްތެރިވާ ފަރާތްތައް އަންނަނީ ފުލުހަށް ހާޒިރު ކުރަމުންނެވެ.
