ރައްޔިތުންގެ މަޖިލީހުގެ އައްޑޫ މަރަދޫ ދާއިރާގެ މެންބަރު އަހުމަދު ޝަރީފް (މަވޯޓާ) އެކްސިޑެންޓް ވެއްޖެއެވެ.
މެންބަރު ޝަރީފް އެކްސިޑެންޓްވެފައި ވަނީ މިއަދު ދުވަހުގެ ހަވީރުގެ ވަގުތެއްގައެވެ.
މިކަމާ ގުޅިގެން ޝަރީފްގެ ދަރިކަނބަލުން ކުރި ޓުވީޓެއްގައި ބުނީ މިއަދު ހަވީރު ޝަރީފު ސައިކަލުގައި އިންނަވަނިކޮށް ފަހަތުން އައި ޓެކްސީއަކުން ސައިކަލުގައި ޖެހި އެކްސިޑެންޓްވެފައިވާ ކަމަށެވެ. އަދި އެކްސިޑެންޓް ހިނގި ވަގުތު މަގުމަތީގައި ތިބި މީހުންގެ ފަރާތުން ވަރަށް ބޮޑު އެހީތެރިކަމެއް ލިބުނު ކަމަށްވެސް އެ ޓުވީޓުގައި ބުނެފައެވެ.
"ބައްޕަ ދުއްވާފައި ދަނިކޮށް، ފަރުވާކުޑަކޮށް ދުއްވި ޓެކްސީއަކުން ބައްޕަގެ ސައިކަލުގެ ފަހަތުގައި ޖެހުނީ،" އޭނާ ވިދާޅުވިއެވެ.
My father @AdduShareef was involved in a road accident this evening when a reckless taxi driver hit his motorcycle from behind. People on the road were quick to help, and we are increasingly grateful for that. He has sustained somewhat serious injuries and is at home recovering.
— Mizna (@Mizners) October 7, 2020
މިއެކްސިޑެންޓްގެ ސަބަބުން ޝަރީފަށް ކޮންމެސް ވަރެއްގެ ސީރިއަސް އަނިޔާތަކެއް ލިބިފައިވާ ކަމަށާާއި މިހާރު ހޮސްޕިޓަލަށް ގޮސް ޑޮކްޓަރަށް ދެއްކުމަށްފަހު ޝަރީފް ގެއަށް ވަޑައިގެންފައިވާ ކަމަށްވެސް އެޓުވީޓުގައި ބުނެފައިވެއެވެ.
