ކޮވިޑް-19 ފެތުރުން ހުއްޓުވުމަށް ސްޕެއިންގެ ވެރިރަށް މެޑްރިޑްގައި އެގައުމުގެ މަރުކަޒީ ސަރުކާރުން ކުއްލިހާލަތު އިއުލާންކޮށްފިއެވެ.
ދެގަޑިއިރަށް ދިގުދެމިގެންދިއަ ކެބިނެޓް ބައްދަލުވުމަށްފަހު ސްޕެއިންގެ ސިއްހަތާބެހޭ ވަޒީރު ސަލްވަޑޯ އިއްލާ ވިދާޅުވީ ކުރިއަށް އޮތް 15 ދުވަހަށް ސްޕެއިންގެ މެޑްރިޑްގައި ކުއްލިހާލަތު އިއުލާން ކުރުމަށް ސަރުކާރުން ނިންމައިފައިވާ ކަމަށެވެ.
ސްޕެއިންގެ މަރުކަޒީ ސަރުކާރުން މެޑްރިޑްގައި ކުއްލިހާލަތު އިއުލާން ކޮށްފައި މިވަނީ ސްޕެއިނުން ބޭރުވުމާއި އަދި އެތެރެވުން ހަނިކުރުމަށް އެކަށައަޅާފައިވާ އުސޫލުތައް ބާތިލްކުރަނެވި އަމުރެއް ނެރުނުތާ އެއްދުވަސް ފަހުންނެވެ.
މެޑްރިޑްގެ ރީޖަނަލް ސަރުކާރުން ތާއީދު ކުރަމުން އަންނަނީ މެޑްރިޑްގައި ކޮވިޑް-19 ފެތުރުން ހުއްޓުވުމަށް އަޅައިފައިވާ ފިޔަވަޅުތަކަށް ލުއި ދިނުމަށެވެ. ކަނާތުފިޔައިގެ ރީޖަނަލް ސަރުކާރުން ބުނަމުން އަންނަނީ ކޮވިޑް-19 ފެތުރުން ހުއްޓުވުމަށް މަރުކަޒީ ސަރުކާރުން އަޅައިފައިވާ ފިޔަވަޅުތަކުގެ ސަބަބުން އިގުތިސާދަށް ބޮޑެތި ގެއްލުންތަކެއް ލިބެމުން އަންނަ ކަމަށެވެ.
ސްޕެއިންގެ މަރުކަޒީ ސަރުކާރުގެ އިސްފަރާތްތަކުން ބުނަމުން އަންނަނީ ފިޔަވަޅުތައް އެޅުމުގެ އޮތީ އެންމެ މަގުސަދެއް ކަމަށާއި އެއީ މެޑްރިޑް ސަލާމަތް ކުރުން ކަމަށެވެ.
ކޮވިޑް-19 ޖެހިގެން ފާއިތުވެދިޔަ ހަފްތާގެ ތެރޭގައި ސްޕެއިނުންވަނީ 66 މީހަކު މަރުވެފައެވެ. އަދި 500 މީހުންނަށް އަންނަނީ އައިސީޔޫގައި ފަރުވާ ދެމުންނެވެ.
