ކުރިއަށްދެވޭނީ ފުރިހަމައަށް ޒިންމާދާރުވެގެން ކަމަށް ޓޫރިޒަމް މިނިސްޓަރ ޑރ. އަބްދުﷲ މައުސޫމް ވިދާޅުވެއްޖެ އެވެ.
ޑރތ. މައުސޫން ކުރެއްވި ޓްވީޓެއްގައި ވިދާޅުވީ، މިކަމުގައި "ނުބީހެންޏާ ކަނޑާ ހަމައެއްނޫން" ކަމަށާއި ކުރިއަށްދެވޭނީ ފުރިހަމައަށް ޒިންމާދާރުވެ، އެމަގުން އަމަލުކޮށްގެން ކަމަށެވެ. އަދި ދަތި އުނދަގޫތަކާއި އެކުވެސް ފުރިހަމައަށް ޒިންމާ އަދާކުރައްވާ ފަރާތްތަކަށް އައްސަރިބަހާއި ސާބަސް ކިޔާ ކަމަށް ވެސް ވިދާޅުވިއެވެ.
ޑރ. މައުސޫމް މިފަދައިން ވިދާޅުވެފަައިވާއިރު، ކަނޑިންމަ މޯލްޑިވްސް ރިސޯޓުން ހާލުބޮޑުވެގެން ފަރުވާ ދެމުންދަނިކޮށް ހުކުރު ދުވަހުގެ ރޭ ނިޔާވި މީހަކު ކޯވިޑް-19އަށް ޕޮޒިޓިވް ވެފައެވެ. މިއީ ރާއްޖޭގައި ރިސޯޓަކުން ކޮވިޑް-19 ގައި ނިޔާވި ފުރަތަމަ މީހާއެވެ.
ކަނޑިންމަ މޯލްޑިވްސްއިން ހާލުބޮޑުވެގެން ކުޑަހުވަދޫއަށް ގެންދިޔަ މީހާ ނިޔާވެފައިވަނީ ހުކުރު ދުވަހުގެ ރޭ އިރާކޮޅުގައެވެ. އެމީހަކީ ދ. މާއެނބޫދޫއަށް ނިސްބަތްވާ ކަނޑިންމަ ރިޒޯޓުގެ ފިރިހެން މުވައްޒަފެކެވެ. އަދި އެމީހާގެ ސާމްޕަލްގެ ނަތީޖާ ލިބިފައިވަނީ އެމީހާ ވަޅުލި ފަހުން އިއްޔެގެ ވަގުތެއްގައެވެ.
ސާމްޕަލްގެ ނަތީޖާ ލިބުމުގެ ކުރިން އެމީހާ ވަޅުލި ނަމަވެސް، ވަޅުލުމުގައި ހަރަކާތްތެރިވި އެންމެންވެސް ތިބީ ރައްކާތެރި ގިއަރުގައެވެެ.
