ހަރުކަށި ފިކުރުގެ މީހުން ބޭނުންވަނީ އަންހެނުން ގޭގައި ބައިތިއްބައިގެން ހަމައެކަނި ޖިންސީ އެދުން ފުއްދުމަށާއި، ކިރުމައިންގެ ގޮތުގައި އަދި ދަރިންބަލައި ގޭގައި ނޯކިރީކުރާ ބައެއްގެ ގޮތުގައި ބޭތިއްބުމަށް ކަމަށް ރައްޔިތުން މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު މިހެން ވިދާޅުވެފައި ވަނީ، މިއަދުގެ ރައްޔިތުންގެ މަޖިލީހުގައި ވާހަކަފުޅު ދައްކަވަމުންނެވެ.
ރައްޔިތުންގެ މަޖިލީހަށް މެދުހެންވޭރު ދާއިރާގެ މެމްބަރު އަލީ އާޒިމް ހުށަހެޅި ކުއްލި މައްސަލަ، މާލޭގައި ޓެކްސީ ދުއްވަން އުޅޭ ހަމައެކަނި އަންހެން މީހާގެ ޓެކްސީއަށް ހަމަލާދިނުމުގެ މައްސަލައަށް ބަހުސްކުރައްވަމުން ނަޝީދު ވިދާޅުވީ، ހަށުކަށި ފިކުރުގެ ބައްޓަމަށް ދިވެހި މުޖުތަމައު އެނބުރުމަށް ބަޔަކު ބިރުދައްކައިގެން އަދި ބާރުގެ ބޭނުންކޮށްގެން އިންތިޒާމުވެގެން މަސައްކަތް ކުރަމުންދާކަމަށެވެ.
މި މައްސަލައާއި ގުޅޭގޮތުން މެންބަރުން ބަހުސްކުރައްވާފައިވާއިރު، މެންބަރުންވަނީ މިމައްސަލަ ރަނގަޅަށް ތަހުޤީގުކުރުމަށް ފުލުހުންނާއި ކަމާގުޅުންހުރި މުއައްސަސާތަކަށް ގޮވާލައްވާފައެވެ.
އެގޮތުން މި މައްސަލައަށް ބަހުސްކުރައްވަމުން ގަލޮޅު ދެކުނު ދާއިރާގެ މެމްބަރު އިވާ ޢަބްދުﷲ ވިދާޅުވީ، އާމްދަނީ ހޯދުމަށްޓަކައި މާލޭގައި ޓެކްސީ ދުއްވަން އުޅޭ ހަމައެކަނި އަންހެން މީހާއަށް 5 ފަހަރަށް ހަމަލާދިނީމަ މިކަން ޚާއްސަ ނަޒަރަކުން ބަލަން އެބަޖެހޭކަމަށެވެ. އަދި މިއީ ޒާތީ ކަމެއްތޯ ނުވަތަ މިއީ ހޭޓް ކްރައިމެއްތޯ ބަލާހިސާބަށް މިހާރު ކަންތައްގޮސްފައިވާކަމަށެވެ.
ހިޔާލު
މީނަ އަންހެނުން ގޭގަ ހުރެގެން ނޯކިރީ ކުރާތީ މީނަ ޔަށް ހީވާނީ އެހެން މީހުން ވެސް ގޭގަ ތިބެގެން ދަރިން ބަލާ ތަރުބިއްޔަތު ކުރުމަކީ ނޯކިރީ ކުރުން ހެން