ތިން ލައްކަ މީހުންގެ އާބާދީއެއް އުޅޭ، ސައުތް ޕެސިފިކް ކަނޑުގެ ޖަޒީރާ ގައުމެއް ކަމަށްވާ ވަނުއާޓޫ އިން ފުރަތަމަ ފަހަރަށް ކޮވިޑް-19 ފެނިއްޖެއެވެ.
ވަނުއާޓޫ ފާހަގަވެގެންދަނީ މިހާތަނަށް ކޮވިޑް-19 އަށް މީހަކު ފައްސިނުވާ މަދު ގައުމުގެ ތެރެއިން ގައުމެއްގެ ގޮތުގައެވެ.
ނަމަވެސް އެގައުމުން ކޮވިޑް-19 އަށް ފައްސިވެފައިވަނީ އެމެރިކާއިން އައި މީހަކު ކަރަންޓީނުގައި ހުއްޓައެވެ.
އެ ގައުމުގެ ސިއްހީ އިދާރާތަކުން ބުނެފައިވަނީ، މި މަހުގެ ހަތަރުވަނަ ދުވަހު، އުމުރުން 23 އަހަރުގެ އޭނާ އެމެރިކާއިން އެ ގައުމަށް އައި އިރު ކޮވިޑް-19 ގެ އެއްވެސް އަލާމާތެއް ނުފެންނަ ކަމަށާއި އަދި އޭނާ ކޮވިޑް-19 އަށް ފައްސިވެފައިވަނީ މިދިޔަ އަންގާރަ ދުވަހު ކަމަށެވެ.
އިދާރާތަކުން ބުނެފައިވާ ގޮތުގައި އޭނާ އައި ފްލައިޓުން ދަތުރު ކުރި އެންމެން ކަރަންޓީނު ކުރާނެ ކަމަށާއި ނަމަވެސް ބޯޑަރު ބަންދުކުރުމަށް އަދި ނުވިސްނާ ކަމަށެވެ.
