ޓެކްނިކަލް މައްސަލައަކާހެދި ކޮވިޑް-19ގެ ސާމްޕަލްތަކުގެ ނަތީޖާ ލިބުމުގައި ލަސްވެދާނެކަމަށް ހެލްތް ޕޮރޮޓެކްޝަން އޭޖެންސީ (އެޗްޕީއޭ) އިން ވިދާޅުވެއްޖެއެވެ.
އެޗްޕީއޭއިން ވިދާޅުވީ، ރެޕިޑް ރެސްޕޮންސް ޓީމާއި ލެބޯޓްރީގައި، ސާމްޕަލްތައް ރަޖިސްޓަރ ކުރުމަށާއި ނަތީޖާ އެންޓާ ކުރުމަށް ބޭނުންކުރާ ސިސްޓަމުގައި ޓެކްނިކަލް މައްސަލައެއް ދިމާވުމާއި ގުޅިގެން ނަތީޖާ ލިބުމުގައި ލަސްވެދާނެކަމަށެވެ.
އަދި މައްސަލަ ހައްލުކުރުމަށް މިހާރުވެސް އެޗްޕީއޭގެ އައިޓީ ޓީމުން މަސައްކަތް ކުރަމުންދާއިރު، މިފަދަ ކަންކަމުގައި ރައްޔިތުންގެ ފަރާތުން ލިބޭ އެއްބާރުލުމަށް އެޗްޕީއޭއިންވަނީ ޝުކުރުއަދާ ކޮށްފައެވެ.
❇️Our system which RRTs and Labs use to register samples and enter result is experiencing technical difficulties at the moment, and results maybe delayed.
We thank you for your patience while our IT team works on resolving the issue.
— Health Protection Agency (@HPA_MV) December 16, 2020
ކޮވިޑަށްކުރާ ޓެސްޓުގެ ނަތީޖާ 24 ގަޑިއިރުގެ ތެރޭގައި ލިބޭނެ އިންތިޒާމް އެޗްޕީއޭއިން ހަމަޖައްސާފައިވާއިރު، ސާމްޕަލްގެ ނަތީޖާތައް އެމީހަކަށް އެސްއެމްއެސްގެ ޒަރިއްޔާއިން ލިބޭނެ އިންތިޒާމުވެސް ވަނީ ހަމަޖައްސާފައެވެ. މީގެއިތުރުން "ހާލު ބެލުން" ޕޯޓަލުންވެސް ނަތީޖާ ފެންނަން ހުންނަކަން ފާހަގަކޮށްލެވެއެވެ.
