ކޮވިޑް-19 ޖެހިގެން ބްރެޒިލްގެ ލެޖެންޑް ރޮނާލްޑީނިިއޯ މަންމައަށް ހޮސްޕިޓަލުގައި ފަރުވާ ދޭން ފަށައިފިއެވެ.
ކުރިން ބާސެލޯނާއަށް ކުޅުނު ރޮނާލްޑީނިއޯ އެކަން ކަށަވަރުކޮށްދީފައިވާއިރު، އުމުރުން 71 އަހަރުގެ މަންމައަށް ހެޔޮ ދުޢާކޮށްދިނުމަށްވެސް ސަޕޯޓަރުންގެ ކިބައިން ރޮނާލްޑީނިިއޯވަނީ އެދިފައެވެ.
ޓްވިޓާރ މެދުވެރިކޮށް ރޮނާލްޑީނިއޯ ބުނިގޮތުގައި އޭނާގެ މަންމައަށް ފަރުވާދެމުންދަނީ އައިސީޔޫގައެވެ.
Queridos amigos, minha mãe está com Covid e estamos na luta para que ela se recupere logo. Ela está no centro de tratamento intensivo, recebendo todos os cuidados. Agradeço desde já as orações, as energias positivas e o carinho de sempre. Força mãe ????????
— Ronaldinho Gaúcho (@10Ronaldinho) December 21, 2020
ކޮވިޑް-19 ގެ ތަފާސް ހިސާބުތަކަށް ބަލާއިރު، ތިންވަނައަށް އެންމެ ގިނަމީހުން ކޮވިޑަށް ޕޮޒިޓިވްވެފައިވަނީ ބްރެޒިލުންނެވެ. އެޤައުމުން ހަތްމިލިއަން ދެލައްކައަށްވުރެ ގިނަ މީހުން މިބައްޔަށް ޕޮޒިޓިވްވެފައިވާއިރު، އެއްލައްކަ އައްޑިހަހާހަށްވުރެ ގިނަ މީހުން ބްރެޒިލުންވަނީ މަރުވެފައެވެ. މިދިޔަ އާދިއްތަ ދުވަހުގެ ތަފާސް ހިސާބުތަކަށް ބަލާއިރުވެސް އެދުވަހު ބްރެޒިލުން 25 ހާހަށްވުރެ ގިނަ ޕޮޒިޓިވް ކޭސްވަނީ ރިޕޯރޓްކޮށްފައެވެ. އަދި 408 މީހުން އެދުވަހުވަނީ މަރުވެފައެވެ.
