ޖުނުއަރީ 16 ވާ ހޮނިހިރު ދުވަހު އިންޑިއާގައި ކޮވިޑް-19 ވެކްސިން ދޭންފަށާނެ ކަމަށް އެގައުމުގެ ސަރުކާރުން ބުނެފިއެވެ.
ބޮޑުވަޒީރު ނަރެންދުރަ މޯދީ ވިދާޅުވެފައިވަނީ، މިއީ ވަރަށް ފާހަގަ ކޮށްލެވޭ ފިޔަވަޅެއް ކަމަށާއި ޖުލައިމަސް ނިމުމުގެ ކުރިން އިންޑިއާގެ އާބާދީގެ 300 މިލިއަން މީހުންނަށް ވެކްސިން ދެވޭނެ ކަމަށް އުންމީދު ކުރައްވާ ކަމަށެވެ.
އެންމެ ފުރަތަމަ އިންޑިއާގައި ވެކްސިން ދޭނީ ސިއްހީ މަސައްކަތްތެރިންނަށާއި އަދި ފުރޮންޓްލައިންގެ މަސައްކަތް ތެރިންނަށެވެ.
On 16th January, India takes a landmark step forward in fighting COVID-19. Starting that day, India’s nation-wide vaccination drive begins. Priority will be given to our brave doctors, healthcare workers, frontline workers including Safai Karamcharis. https://t.co/P5Arw64wVt
— Narendra Modi (@narendramodi) January 9, 2021
އިންޑިއާއަކީ މުޅި ދުނިޔެއިންވެސް ދެވަނައަށް އެންމެ ގިނަ އަދަދަކަށް މިބައްޔަށް މީހުން ޕޮޒިޓިވުވި ގައުމެވެ. އިންޑިއާއިން ކޮވިޑް-19 އަށް 10.3 މިލިއަނަށްވުރެ ގިނަ މީހުންވަނީ ޕޮޒިޓިވުވެފައެވެ. އަދި މިބަލީގައި 150،000 ގާތްކުރާ އަދަދަކަށް މީހުންވަނީ މަރުވެފައެވެ.
އިންޑިއާގެ ޑުރަގް ރެގިއުލޭޓަރ އިންވަނީ ކޮވިޑް-19ގެ ދެ ވެކްސިނަކަށް މިހާތަނަށް ހުއްދަ ދީފައެވެ. މި ދެ ވެކްސިނަކީ އިންޑިއާގެ ބާރަތު ބަޔޯޓެކުން އުފެއްދި ކޮވިޑް-19 ވެކްސިނާއި އަދި އޮކްސްފޯޑާއި އެސްޓްރަޒެނިކާ ގުޅިގެން އުފެއްދި ވެކްސިނެވެ.
