ބޮލީވުޑްގެ މަޝްހޫރު ބަތަލު ސިދާތު މަލްހޯތުރާގެ ފިލްމެއް ބޮކްސް އޮފީހުގައި ބޮޑު ކާމިޔާބީއެއް ނުހޯދާތާ މިހާރު ދުވަސްކޮޅެއްވެއްޖެއެވެ. އެހެންނަމަވެސް ސިދާތުގެ ކުރިއަށް ވަރަށް ބޮޑު ފިލްމުތަކެއް އެބަހުއްޓެވެ. އޭގެތެރޭގައި އޭނާގެ ލޯބިވެރިޔާ ކަމަށް އަަޑުފެތުރިފައިވާ ކިއަރާ އަދްވާނީ އާއިއެކު ކުޅޭ " ޝޭރްޝާހް" ވެސް ހިމެނެއެވެ.
ސިދާތު ވަނީ ދާދިފަހުން އަމީތާބު ބަޗަން ލީޑްރޯލުން ފެނިގެންދާ ފިލްމު " އާންކޭ 2" ކުޅެން ސޮއިކޮށްފައިކަމަށް އިންޑިއާގެ ބައެއް މުނިފޫހިފިލުވުމުގެ ހަބަރު ފަތުރާ ނޫސްތަކުގައި ރިޕޯޓް ކޮށްފައެވެ.
އެގޮތުން ސިދާތު އޭނާގެ އޮފިޝަލް އިންސްޓަގްރާމު އެކައުންޓްގައި ހިއްސާކުރި ޕޯސްޓެއްގައި ވަނީ އޭނާ " އާންކޭ 2" ކުޅެން ސޮއިކޮށްފައިވާ ކަމުގެ އިޝާރާތެއްވެސް ދީފައެވެ.
" އާންކޭ2 " އަކީ 2002 ވަނަ އަހަރު ގެނެސްދިން ފިލްމު "އާންކޭ" ގެ ރިމޭކެކެވެ. " އާންކޭ 2" ޑައިރެކްޓްކޮށްފައިވަނީ، އަބިނޭ ޑިއޯއެވެ. އެ ފިލްމު ޕްރޮޑިއުސްކޮށްފައިވަނީ، ތަރުން އަގްރަވާލްއެވެ.
