ރައްޔިތުންގެ މަޖިލިސް އިން އެންޓެޓައިންމެންޓް އެޕްލިކޭޝަން، "ޓިކްޓޮކް" ގައި އެކައުންޓެއް ހުޅުވައިފިއެވެ.
ޓިކްޓޮކް ބޭނުންކުރަން ފަށައިފިކަން ރައްޔިތުން މަޖިލީހުގެ ރަސްމީ ޓްވިޓާ އެކައުންޓުގައި ވަނީ ހިއްސާކޮށްފައެވެ. އެގޮތުން ރައްޔިތުންގެ މަޖިލީހުގެ ޓިކްޓޮކް ހޭންޑްލް ހަދާފައިވަނީ "ޕީޕްލްސް މަޖިލިސް" ގެ ނަމުގައެވެ.
މިކަން ހާމަކޮށް އެންމެންވެސް އެ އަކައުންޓަށް ފޮލޯކުރުމަށް މަޖިލީހުން އެދިފައިވެއެވެ.
Follow us on TikTok! ???? pic.twitter.com/QwKU3BZhCQ
— People's Majlis (@mvpeoplesmajlis) January 25, 2021
މަޖިލީހުގެ ޓިކްޓޮކް އެކައުންޓުގައި މިހާރު ވަނީ ވީޑިއޯއެއްވެސް ހިއްސާކޮށްފައެވެ. މި ވީޑިއޯ އިން ފެނިގެންދަނީ 2020 ވަނަ އަހަރު ރައީސް އިބްރާހީމް މުހައްމަދު ސޯލިހު، ރިޔާސީ ބަޔާން އިއްވާ މަންޒަރެވެ. އަދި ވީޑިއޯ ނިންމާލަމުން ވަނީ މިއަހަރުގެ ރިޔާސީ ބަޔާން އިއްވުން އޮންނާނީ އަންނަ މަހުގެ ހަތަރު ވަނަ ދުވަހު ކަމަށް ބުނެފައެވެ.
މަޖިލީހުން ދާދިފަހަކުން ވަނި އިންސްޓަގްރަމްގައި ވެސް އެކައުންޓެއް ހުޅުވާ އެކަން ހިއްސާކޮށްފައެވެ.
