މޯލްޑިވްސް ޕޯޓް ލިމިޓެޑް(އެމްޕީއެލް)ގެ މާލެ ބަނދަރުގަައި އަނެއްކާވެސް ނުރައްކާތެރި އެކްސިޑެންޓެއް ހިނގައި މަޖޫރީއަކަށް އަނިޔާވެއްޖެއެވެ.
މި އެކްސިޑެންޓުގައި އަނިޔާވެފައިވަނީ އުމުރުން 28 އަހަރުގެ، ހދ. ނޮޅިވަރަމް، ނައިޓް ޑްރީމް، އިމްރާން ޢަލީއަށެވެ. އޭނާއަށް އައިޖީއެމް ހޮސްޕިޓަލުގައި ފަރުވާ ދެމުންދާއިރު، އޭނާގެ ހާލު ސީރިއަސް ކަމަށް ވަނީ މަޢުލޫމާތު ލިބިފައެވެ.
މި ނޫހަށް މަޢުލޫމާތު ލިބިފައިވާ ގޮތުގައި، އިމްރާންގެ ދެފައި ބިނދި، އޭނާއަށް ވަރަށް ބޮޑެތި އަނިޔާތަކެއް ވަނީ ލިބިފައެވެ.
މިކަމާއި ގުޅޭގޮތުން ސުވާލުކުރުމުން އެމްޕީއެލްއިން މިހާތަނަށް ޖަވާބެއް ދެއްވާފައެއް ނުވެއެވެ.
އައިޖީއެމްއެޗް އިން މައުލޫމާތު ދިންގޮތުގައި، މިވަގުތު އޭނާ ވަނީ ސާޖަރީ ކުރުމަށް އޮޕަރޭޝަން ތިއާޓާ އަށް ވައްދާފައެވެ. އަދި ލިބިފައިވަނީ ކޮންކަލަ އަނިޔާތަކެއް ކަމެއް އަދި ނޭނގޭ ކަމަށް އައިޖީއެމްއެޗް އިން މައުލޫމާތު ދިނެވެ.
މާލޭ ބަނދަރުގަައި ހިނގި އެކްސިޑެންޓެއްގަައި ޓާފް ރޯލެއް ދަށުގެ ޒުވާނަކަށް ބޮޑެތި އަނިޔާތަކެއް ލިބުނުއިރު، ދާދި ފަހުން އެ ބަނދަރުގަައި ބިއްލޫރި ޕަލެޓެއް ދަށުވެ ލިބުނު އަނިޔާތަކަށް ފަރުވާދެމުން ދަނިކޮށް ވަނީ ނިޔާވެފައެވެ.
2 Responses
شفاكالله
އެމްވީ ކުރައިސިސްގަ ޖަހާލާ އިރައް ހަގީގަތް ނުބަލަ ހަބަރު ނުލިޔެބަލަ.
އޭނަ ހާލު އިރާދަކުރައްވީތި ރަނގަޅު.
މިހާރު މިހާރަށް ހަބަރު ނެގުމަށް އެދެން