އުދައްޔުގެ މަރަށް އިންސާފުހޯދަން އަޅަންޖެހޭ ކޮންމެ ފިޔަވަޅެއް ދިވެހި ފުލުހުން އަޅާނެކަމުގައި ހޯމް މިނިސްޓަރ އިމްރާން ޢަބްދުﷲ ވިދާޅުވެއްޖެއެވެ.
ގއ. މާމެންދޫގައި ރޭ ހިނގި ގުރޫޕް މާރާމާރީއެއްގައި ތޫނު އެއްޗަކުން ހަމަލާދީ އުމުން 17 އަހަރުގެ އުދައްޔު މަރާލާފައިިވާއިރު، އުދައްޔުގެ މަރާ ގުޅިގެން 3 މީހަކު ފުލުހުން މިހާރު ވަނީ ހައްޔަރު ކޮށްފައެވެ.
އުދައްޔުގެ މަރާއި ގުޅިގެން ހޯމް މިނިސްޓަރ އިމްރާން ވިދާޅުވީ ޙައްޤަކާއި ނުލާ ފުރާނައެއް ނަގާލުމަކީ ބޮޑުވެގެންވާ ފާފައެއް ކަމަށާއި އަދި އެއީ ކުށެއްކަމަށެވެ. ދިވެހިރާއްޖޭގެ ފަސްގަނޑުގައި މިފަދަ ޖަރީމާތައް ހިންގުމަކީ ސަރުކާރުން ތަހައްމަލް ކުރާނެ ކަމެއް ނޫންކަމަށްވެސް މިނިސްޓަރ ވިދާޅުވެފައިވެއެވެ.
Haqqakaanulaa furaaneh nagaalumakee boduvegenvaa faafaeh, kusheh! Dhivehi raajjeyge fasgandugai mifadha jareemathah hingumakee sarukaarun thahmmal kuraane kamehnoon. Ahmed Udhayyu ge marah insaafu hodhumah dhivehi fuluhun alhanjehey komme fiyavalheh alhaane iA.
— Imran Abdulla (@ShimranAb) February 9, 2021
މި މާރާމާރީގައި އުދައްޔުގެ ބޭބެ ފިރުޝާން ޒާހިރުއަށްވެސް ވަނީ ތޫނުއެއްޗަކުން ހަމަލާދީ ވަރަށް ބޮޑަށް ޒަހަމް ކޮށްލާފައެވެ.
މިކަމާއި ގުޅިގެން މިނިސްޓަރ އިމްރާން ވިދާޅުވީ އުދައްޔުގެ މަރަށް އިންސާފު ހޯދުމަށް ދިވެހި ފުލުހުން އަޅަންޖެހޭ ކޮންމެ ފިޔަވަޅެއް އަޅާނެކަމަށެވެ.
މި މައްސަލަ ތަޙްޤީޤު ކުރުމަށް ފުލުހުންގެ ޚާއްސަ ޓީމެއް މިހާރު ވަނީ މާމެންދޫއަށް ގޮސްފައެވެ.
