ބަނގުރާ ފުޅިތަކެއް ގެންގުނު ބަޔަކު ފުލުހުން ހުއްޓުވުމުން އެމީހުންގެ އަތުގައި އޮތް ބަނގުރާ ފުޅިތައް މަގުމައްޗަށް ވައްޓާ ތަޅާލައިފިއެވެ.
މި މީހުން ހުއްޓުވާފައި ވަނީ މިރޭ 7:30 ހާއިރު އެވެ. ފުލުހުން ވިދާޅުވީ މިރޭ އަޝްރަފީ ބުކްޝޮޕް ކައިރިން 2 މީހަކު ފުލުހުންގެ ބެލުމުގެ ދަށުން ގެނެސްފައިވާކަމަށެވެ.
އެގޮތުން އެ ދެ މީހުން ވަނީ ފުލުހުން ހުއްޓުވުމުން އެމީހުން ގެންގުޅުނު ބަނގުރާ ކަމަށް ޝައްކު ކުރެވޭ އެއްޗެއް ހުރި 3 ފުޅި މަގުމައްޗަށް ވައްޓާ ތަޅާލާފައެވެ.
ފުލުހުން ވިދާޅުވީ އެދެމީހުން ހުއްޓުވީ ވަންވޭ އާއި އިދިކޮޅަށް ދުއްވާފައި ދަނިކޮށްކަމަށެވެ.
މި މައްސަލަ ފުލުހުން މިހާރު ދަނީ ތަޙްޤީޤު ކުރަމުންނެވެ.
