ހެލްތް ޕްރޮޓެކްޝަން އެޖެންސީ (އެޗްޕީއޭ) އަށް ކުރި އިޙްތިރާމް ގެއްލިއްޖެ ކަމުގައި މައްޝޫރު ދީނީ ޢިލްމުވެރިޔާ ޝެއިޚް ޢަލީ ޒައިދު ވިދާޅުވެއްޖެއެވެ.

ޝެއިޚް މިހެން ވިދާޅުވެފައި ވަނީ އެމްޑީޕީ ޕާލިމެންޓްރީ ގްރޫޕްގެ ލީޑަރ ޢަލީ އާޒިމްގެ އުފަންދުވަސް ފާހަގަ ކުރުމުގެ ގޮތުން ކޭކް ފެޅި ހަފްލާއެއްގައި މަޖްލިސް ރައީސްއާއި ބައެއް މެންބަރުން އެއްވެސް ގައިދުރުކަމެއް ނެތި އަދި ބައެއްފަރާތްތަކުން މާސްވެސް ނާޅާ ހުރި މަންޒަރު ފެންނަ ވީޑީއޯއެއް ހިއްސާކުރައްވައެވެ.

ޝެއިޚް ވަނީ އެޕާޓީ އަކީ 3 ފޫޓް ދުރުގައި ޤަވާއިދާއި އެއްގޮތަށް ބޭއްވުނު ޕާޓީއެއްތޯ ސުވާލު ކުރައްވާފައެވެ. އަދި އެއަށްފަހު ޝެއިޚް ވިދާޅުވީ އެޗްޕީއޭއަށް ކުރި އިޙްތިރާމް ގެއްލިއްޖެކަމަށެވެ.

ޝެއިޚް މިހެން ވިދާޅުވެފައި ވާއިރު ކޮވިޑް-19 ފެތުރުން ކޮންޓްރޯލް ކުރުމަށްޓަކައި މިއަދު މެންދުރު ނަމާދުން ފެށިގެން މާލެ ސަރަހައްދުގައި ވަނީ މިސްކިތްތަކުގެ ޖަމާޢަތް ހަދާއިރު ގައިދުރު ކޮށް ތިބުމަށް އަންގާފައެވެ.

Mi fennanee 3 foot dhurugai gavaaidhaa ehgothah beyvvunu party eh thoa? Alhugandu @HPA_MV kuri ihuthiraam gellijje! Dhen ves bunanee Case thah bossun lee Miskithaa gulhigen kamahthoa?! Subhaanallahi! pic.twitter.com/88nIp4QLNI

— Ali Zaid (@alizaid1000) March 1, 2021

އިސްލާމިކް މިނިސްޓްރީން މިއަދު ނެރުނު ބަޔާނެއްގައި ވިދާޅުވީ، ކޮވިޑް-19 ރާއްޖޭގައި ހަލުވިކަމާއެކު ފެތުރެމުންދިއުމާއި، ޙާލަތު އިތުރަށް ގޯސްވަމުންދާކަމަށް ކަމާބެހޭ އިދާރާތަކުން މަޢުލޫމާތު ދެއްވާފައިވާތީ، ފަތުވާ މަޖިލީހާއި ދީނީ ޢިލްމުވެރިންނާއި މަޝްވަރާކޮށް، މިހާރުގެ ޙާލަތަށް ރިޢާޔަތްކޮށް، ރައްކާތެރިކަމުގެ ފިޔަވަޅެއްގެ ގޮތުން، 01 މާރޗް 2021 ވާ ހޯމަ ދުވަހުގެ މެންދުރު ނަމާދުން ފެށިގެން ކޮވިޑްގެ މިޙާލަތުން ލުޔެއް ލިބެންދެން ގްރޭޓަރ މާލޭ ސަރަހައްދުގެ ހުރިހާ މިސްކިތެއްގައި ނަމާދުގެ ޖަމާޢަތް، ގައި ދުރުކަމާއެކު ކުރިއަށް ގެންދިއުމަށް ނިންމާފައިވާ ކަމަށެވެ.

ޝެއިޚް ޢަލީ ޒައިދު އިތުރަށް ވިދާޅުވެފައި ވަނީ ދެންވެސް ބުނާނީ ކޭސް ތައް ބޮއްސުންލީ މިސްކިތާ ގުޅިގެންކަމަށްތޯކަމަށެވެ.