ރައީސުލްޖުމްހޫރިއްޔާގެ ނައިބު ފައިޞަލް ނަޞީމް ހުންނެވީ އެމްޑީޕީއާއެކު ކަމަށް އެޕާޓީގެ ރައީސް، ރައީސް ނަޝީދު ވިދާޅުވެއްޖެއެވެ.
ރައީސް ނަޝީދު ދާދި ދެންމެ ކުރެއްވި ޓްވީޓެއްގައި ވިދާޅުވެފައި ވަނީ ލޯކަލް ކައުންސިލްގެ ކެމްޕެއިންގައި ނައިބު ރައީސް ފައިސަލް ނަޞީމް، އެމްޑީޕީއާއެކު ހުންނެވި ކަމީ އެމަނިކުފާނު ރާއްޖެއަށް ހެޔޮ އެދިވަޑައިގަންނަވާ ކަމުގެ ފުރިހަމަ ދަލީލެއްކަމަށެވެ.
އެމަނިކުފާނު މިހެން ވިދާޅުވެ ފައިސަލް ނަޞީމްއާއެކު ސައިފޮދު ހިއްޕަވަން ހުންނެވި ފޮޓޯއެއް ވަނީ ހިއްސާކުރައްވާފައެވެ.
ރައީސް ނަޝީދު މިހެން ވިދާޅުވި ނަމަވެސް، ކުރިޔަށް އޮތް ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތް ކުރާކޮމެޓީގެ އިންތިޚާބުގެ ކެމްޕެއިންނާއި ގުޅޭ ގޮތުން ފައިސަލް ނަޞީމް ވަކި އެއްޗެއް ވިދާޅުވެފައެއް ނުވެއެވެ. އެމަނިކުފާނަކީ ވެރިކަން ކުރާ ކޯލިޝަންގައި ހިމެނޭ ޖުމްހޫރީ ޕާޓީގެ ފަރާތުން ނައިބު ރައީސްކަމަށް ހޮވިވަޑައިގެންފައިވާ ބޭފުޅެކެވެ.
Local Council ge campaign ga Naib Raees @FaisalNasym MDP aai eku hunnevi kamee e manikfaanu Raajje ah heyo edhivadaigannava kamuge furihama dhaleel#RahvehiFathis #Thilafathahvote pic.twitter.com/F9GfT8NpV3
— Mohamed Nasheed (@MohamedNasheed) March 13, 2021
ކުރިޔަށް އޮތް ލޯކަލް ކައުންސިލްތަކުގެ އިންތިޚާބުގައި ޖުމްހޫރީ ޕާޓީންވެސް ކެނޑީޑޭޓުން ވާދަކުރައްވައެވެ. އެމަނިކުފާނު ވަނީ މީގެ ކުރިންވެސް އެމްޑީޕީގެ ކެމްޕެއިންގައި ބައިވެރިވެވަޑައިގެންފައެވެ.
ލޯކަލް ކައުންސިލްތަކުގެ އިންތިޚާބު ބޭއްވުމަށް ހަމަޖެހިފައިވަނީ އަންނަ އޭޕްރީލް މަހުގެ 10 ވަނަ ދުވަހުއެވެ.
