ކ. ކާށިދޫން 1700 ޓަނުގެ ކުނި ވެމްކޯއިން ނައްތާލައިފިއެވެ.
ރަށްރަށުގައި ހުރި ކުނި ނައްތާލަން ހިންގާ ޕްރޮގްރާމުގެ ދަށުން ވެމްކޯއިން ކ. ކާށިދޫގައި މި މަސައްކަތް ފެށި މި މަހުގެ 3 ވަނަ ދުވަހުއެވެ.
މިޕްރޮޖެކްޓްގެ ދަށުން އެރަށުން ވަނީ 1700 ޓަނުގެ ކުނި ބޭރުކޮށް، ކުނި ކޮށި ހުރި ސަރަހައްދު އެއްކޮށް ސާފުކުރެވިފައިކަމަށް ވެމްކޯއިން ބުންޏެވެ.
މިއީ ރާއްޖޭގެ ހުރިހާ ރަށެއްގައި އެއްވެފައި ހުރި ކުނި ނައްތާލައި ރަށްތަށް ސާފު ކުރުމަށް ސަރުކާރުން ކުރިއަށްގެންދާ ޕްރޮޖެކްޓުގެ ދަށުން ވެމްކޯއާ ހަވާލުކޮށްގެން ކުރަމުން އަންނަ ކަމެކެވެ.
We have removed approximately 1,700T of accumulated waste from K. Kaashidhoo, as part of our our waste clearing project on the island.
Our 14-day schedule included cleaning and land remediation of the waste yard and surrounding areas.#WAMCOLegacyWaste@MoEnvmv pic.twitter.com/RWFSSu2DjM
— WAMCO (@WAMCOmv) March 14, 2021
އެގޮތުން ކުނީގެ މައްސަލަ ބޮޑުވެފައިވާ 20 ރަށެއްގައި ޖަމާވެފައިވާ ކުނި ޕްރޮސެސްކޮށް ރަށުން ބޭރުކުރަންޖެހޭ ކުނި ބޭރުކުރުމުގެ މަސައްކަތް ވެމްކޯއާއި ވަނީ ހަވާލުކޮށްފައެވެ.
