އެމެރިކާގެ ރައީސް ޖޯ ބައިޑަން އެއާފޯސް ވަންއަށް އަރައިވަޑައިގައްނަވަނިކޮށް ވެއްޓިވަޑައިގެންފިއެވެ.

އުމުރުފުޅުން 78 އަހަރުފުޅުގެ ބައިޑަން ވެއްޓިވަޑައިގެންފައިވަނީ އެއާފޯސް ސިޑިމަތިން ދެކަކޫފުޅު މައްޗަށެވެ. ބައިޑަން ވެއްޓިވަޑައިގެންފައިވަނީ ދެފަހަރެއްގެ މަތިން އަރިއަޅާލައި ތިންވަނަ ފަހަރުއެވެ.

މިހާދިސާގެ ވީޑިއޯ މިހާރު އާންމުވެފައިވާއިރު ވީޑިއޯއިން ފެއްނަގޮތުގައި މިހާދިސާގެ ސަބަބުން ބައިޑަންއަށް މާބޮޑު އަނިޔާއެއް ލިބިވަޑައިގެންފައެއް ނުވެއެވެ. ބައިޑެންވަނީ ވެއްޓިވަޑައިގަތުމުން އަމިއްލަފުޅަށް ތެދުވެވަޑައިގެން ބޯޓަށް އަރައިވަޑައިގަތްފައެވެ.

Biden takes a big fall climbing into Air Force One.

pic.twitter.com/6jCzaWPi3i

— Liz Wheeler (@Liz_Wheeler) March 19, 2021

ވައިޓްހައުސް ކޮމިއުނިކޭޝަންސް ޑައިރެކްޓަރ ކޭޓް ބެޑިންގްފީލްޑް މިހާދިސާއާއި ގުޅިގެން ވިދާޅުވީ، ބައިޑަން އަށް އެއްވެސް ގެއްލުމެއް މިހާދިސާގެ ސަބަބުން ލިބިވަޑައިގެންފައި ނުވާކަމަށެވެ. ބައިޑެންއާއެކު ދަތުރުކުރައްވާ ސިއްހީ އެހީތެރިކަންވެސް ބޭނުންފުޅުކުރައްވަން ޖެހިވަޑައިގެންފައި ނުވާކަމަށެވެ.

ބައިޑެންގެ ސިއްހީ ހާލަތާއިމެދު އިދިކޮޅު ފަރާތްތަކުން އެންމެ ފުރަތަމަ ދުވަހުން ފެށިގެން އައްނަނީ ސުވާލު އުފައްދަމުންނެވެ. މިއަދު ހިނގި މިހާދިސާއާއި ގުޅިގެން އިތުރު ސުވާލުތަކެއް މިހާރު އަނެއްކާވެސްވަނީ ބައިޑަންގެ ސިއްހީ ހާލަތާއިމެދު އުފެދިފައެވެ.