ކޮވިޑު-19 ޖެހިގެން ދިވެހިރާއްޖެއިން އިތުރު މީހަކު ނިޔާވެއްޖެއެވެ.
އެޗްޕީއޭއިން ވިދާޅުވީ، ރޭ 20:25 ހާއިރު އައިޖީއެމްއެޗްގެ އީއާރަށް ގެންދިޔަ 66 އަހަރުގެ ފިރިހެނަކު 20:45 ހާއިރު ނިޔާވެފައިވާ ކަމަށެވެ.
އަދި އޭނާ ނިޔާވެފައިވަނީ ކޮވިޑް-19 ގައި ކަމަށާއި، އެހެންކަމުން މިއީ ކޮވިޑު ބަލީގައި ރާއްޖެއިން ނިޔާވި 66 ވަނަ މީހާކަމަށްވެސް އެޗްޕީއޭއިންވަނީ ވިދާޅުވެފައެވެ.
އަދި މިއީ މިމަހުގެ ތެރޭގައި ކޮވިޑް ޖެހިގެން ނިޔާވި ހަތަރުވަނަ މީހާއެވެ.
މި އަހަރުު މިހާތަނަށް ކޮވިޑް ޖެހިގެން ރާއްޖެއިން 18 މީހަކުވަނީ ނިޔާވެފައެވެ. އޭގެތެރެއިން ޖެނުއަރީ މަހު 4 މީހަކު ނިޔާވެފައިވާއިރު، ނިމުނު ފެބްރުއަރީމަހުވަނީ 10 މީހަކު ވަނީ ނިޔާވެފައެވެ.
Last night at 08:25pm a 66 year male brought to IGMH/ER in an unresponsive state was declared dead at 08:45pm
This is the 66th COVID-19 death in the Maldives
Our thoughts and prayers are with the bereaved family. May Allah grant him soul eternal peace in heaven
— Health Protection Agency (@HPA_MV) March 21, 2021
ކޮވިޑް ޖެހިގެން ރާއްޖެއިން ނިޔާވި މީހުންގެ ތެރޭގައި ހިމެނެނީ 58 ދިވެހިންނާއި 8 ބިދޭސީންނެވެ.
އެޗްޕީއޭގެ ތަފާސްހިސާބުތައް ދައްކާ ގޮތުން ބާވީސް ހާހަށްވުރެ ގިނަ މީހުން ރާއްޖެއިން ކޮވިޑު-އަށް ޕޮޒިޓިވްވެފައިވެއެވެ. އަދި މިބަލިން 19،897 މީހަކު ރަނގަޅުވެފައިވާއިރު، މިވަގުތުގެ އެކްޓިވް ކޭސްތަކުގެ އަދަދަކީ 2407 އެވެ. އަދި އޭގެތެރެއިން 107 ފަރާތަކަށް ހޮސްޕިޓަލްގައ އެޑްމިޓްކޮށްގެން ފަރުވާދެމުންދާކަމަށް އެޗްޕީއޭއިން މަޢުލޫމާތުދެއެވެ.
