ކޮވިޑް-19 އަށް މީހަކު ޕޮޮޒިޓިވް ވުމާއި ގުޅިގެން ޅ. ފެލިވަރުން ދަތުރު ކޮށްފައިވާ ފަރާތްތައް އެންގުމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން އެދެފިއެވެެ.
އެޗްޕީއޭ އިން ވިދާޅުވެފައި ވަނީ ފެލިވަރުން ކޯވިޑް-19ގެ ޕޮޒިޓިވް ކޭސްއެއް ފެނިފައިވާތީ، 1 މާރިޗް 2021 ގެ ފަހުން ޅ.ފެލިވަރުގައި އުޅުމަށްފަހު އަތޮޅުތެރޭގެ އެއްވެސް ރަށަކަށް ގޮސްފައިވާ ފަރާތެއްވާނަމަ، ވީ އެންމެ އަވަހަކަށް އެރަށެއްގެ ހޮސްޕިޓަލް/ހެލްތް ސެންޓަރަށް އެންގެވުން އެދޭކަމަށެވެ.
މީގެ އިތުރުން 1 މާރިޗް 2021 ގެ ފަހުން ފެލިވަރުން މާލެއަށް އައިސްފައިވާ ފަރާތްތަކުން މާލެހިޔާ ކައިރީގައި ހުންނަ ފްލޫ ކްލިނިކް، ހުޅުމާލޭ ފްލޫ ކްލިނިކް، އަދި ވިލިމާލޭ ފްލޫ ކްލިނިކަށް ގޮސް ސާމްޕަލް ނެންގެވުމަށްވެސް އެޗްޕީއޭ އިން ވަނި ދަންނަވާފައެވެ.
އެޗްޕީއޭއިން ވިދާޅުވީ ނަތީޖާ ނެގެޓިވްވި ކަމުގައި ވިޔަސް ފެލިވަރުން އަނބުރާ ރަށަށް އައި ދުވަހުން ފެށިގެން 10 ދުވަސްވަންދެން ކަރަންޓީނުގައި ތިއްބެވުމަށާއި، އެރަށަށް ކުރެއްވި ދަތުރުގެ މައުލޫމާތު 1676 އަށް ހިއްސާކުރެއްވުމަށެވެ.
ފެލިވަރުގައި މަސައްކަތް ކުރާ މުވައްޒަފަކު އިއްވެ ވަނީ ކޮވިޑް-19 އަށް ޕޮޒިޓިވް ވެފައެވެ. އޭނާ ޕޮޒިޓިވް ވެފައި ވަނީ ކޮވިޑް-19 ގެ އަލާމަތްތައް ފެނިގެން ޅ. ނައިފަރު ގައި ހުންނަ އެއަތޮޅު ހޮސްޕިޓަލަށް ދެއްކުމުން ކޮވިޑަށް ޓެސްޓް ކުރުމުންނެވެ
އެޗްޕީއޭ އިން މިއަދު ވަނީ ޅ. ނައިފަރުން ކޮވިޑް-19ގެ ޕޮޒިޓިވް ކޭސްއެއް ފެނިފައިވާތީ، 10 މާރިޗް 2021 ގެ ފަހުން ދަތުރު ކޮށްފައިވާ ފަރާތްތައްވެސް ކަރަންޓީންގައި ތިބުމަށް އަންގާފައެވެ.
މީގެ އިތުރުން ޅ. ނައިފަރުން، ހދ. ކުޅުދުއްފުއްޓަށް ދަތުރު ކުރި މީހަކު ކޮވިޑަށް ޕޮޒިޓިވްވެ އަދި އެމީހާއާއި ގުޅުން ހުރި 4 މީހަކުވެސް ކުޅުދުއްފުށިން ކޮވިޑަށް ޕޮޒިޓިވް ވެފައެވެ.
