ރާއްޖޭގެ ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހް ކޮވިޑް ވެކްސިންގެ ދެވަނަ ޑޯޒް ޖައްސަވައިިފިއެވެ.
ކޮވިޑް ވެކްސިންގެ ދެވަނަ ޑޯޒް ޖަހަން ފަށާފައިވަނީ މިދިޔަ ހޮނިހިރު ދުވަހުއެވެ.
ރާއްޖޭގައި މިވަގުތު ދެމުން އަންނަނީ އިންޑިއާ އިން އުފެއްދި ކޮވިޝީލްޑް ވެކްސިނާއި ޗަައިނާ އިން އުފެއްދި ސިނޮފާމް ވެކްސިނެވެ. އެގޮތުން ކޮވިޝީލްޑް ވެކްސިންގެ ދެވަނަ ޑޯޒް ދިނުމަށް ނިންމައިފައި އޮތީ ވެކްސިން ޖަހާތާ 8 ހަފްތާ ފަހުންނެވެ. އަދި ސައިނޯފާމްގެ ދެވަނަ ޑޯޒް ދޭނީ ފުރަތަމަ ޑޯޒް ދޭތާ ހަތަރު ހަފްތާ ފަހުންނެވެ.
ކޮވިޝީލްޑްގެ ދެވަނަ ޑޯޒް މިއަދު ޖައްސަވާފައިވާކަން ރައީސް ހާމަކުރައްވަމުން ހުރިހާ ރައްޔިތުންވެސް ކޮވިޑު ވެކްސިން ޖެހުމަށްވަނީ އެދި ވަޑައިގެންފައެވެ. އަދި ވިދާޅުވީ، ކޮވިޑް-19 ގެ ބަލި މަޑުކަމުން އަރައިގަނެވޭނީ އެންމެން އެކުގައި މަސައްކަތް ކޮށްގެންކަމަށެވެ.
Got my second shot of Covishield vaccine today. If eight weeks have passed since your first shot, please go get your second dose now.
Those who haven’t got their first dose of vaccine, please go and get your shot now. Together we can beat COVID19. #AaUmmeedhu#COVID19Dhifaau pic.twitter.com/5Xn0zxsr4s
— Ibrahim Mohamed Solih (@ibusolih) April 5, 2021
އިންޑިއާއިން ރާއްޖެއަށް ހަދިޔާކުރި ކޮވިޑް ވެކްސިންގެ ފުރަތަމަ ޑޯޒް ރާއްޖޭގައި ދޭން ފެށީ، ފެބުރުއަރީ މަހުގެ 1 ވަނަ ދުވަހުއެވެ. މި ކެމްޕެއިންގެ ދަށުން މުޅި ޖުމްލަ މިހާތަނަށް 246،896 މީހުން ވެކްސިންގެ ފުރަތަމަ ޑޯޒް ޖަހާފައިވާއިރު، 3،737 މީހުންވަނީ ދެވަނަ ޑޯޒް ޖަހާފައެވެ.
