ކޮވިޑް-19 ވެކްސިންގެ ދެވަނަ ޑޯޒް ފުރިހަމަކޮށް 14 ދުވަސްފަހުން ރިސޯޓުތަކުގައި މަސައްކަތްކުރާ މުވައްޒަފުއްނަށްވެސް ކަރަންޓީން ވުމަކާއިނުލާ ރައްރަށަށް ދަތުރު ކުރެވޭނެކަމަށް ޓުއަރިޒަމް މިނިސްޓްރީއިން ބުނެފިއެވެ.
އެ މިނިސްޓްރީއިން މިއަދުކުރި ޓުވީޓެއްގައި ބުނެފައިވަނީ، ހެލްތް ޕުރޮޓެކްޝަން އެޖެންސީ (އެޗްޕީއޭ) އިން އެކަށައަޅައިފައިވާ އުސޫލުތަކުގެ ތެރެއިން ކޮވިޑް-19 ވެކްސިންގެ ދެވަނަ ޑޯޒް ޖެހިތާ 14 ދުވަސްވެފައިވާ ރިސޯޓުތަކުގެ މުވައްޒަފުއްނަށް ކަރަންޓީން ވުމަކާއިނުލާ ރައްރަށަށް ދަތުރު ކުރެވޭނެ ކަމަށެވެ.
ކޮވިޑް-19ގެ ހާލަތުގައި ރަށްރަށަށް ދަތުރުކުރުމުގައި އަޅައިފައިވާ ފިޔަވަޅުތަކަށް ދިން ލުއިތައް އެޗްޕީއޭ އިން މިހާރު ހާމަކޮށްފައިވާއިރު، މި ލުއިތަކުގައި ބުނެފައިވަނީ ކޮވިޑް-19 ވެކްސިންގެ ދެ ޑޯޒަށް ފަހު، ރަށުގެ އާބާދީގެ 60 ޕަސެންޓު ވެކްސިންގެ ޑޯޒް ފުރިހަމަކޮށްފައިވާ ނަމަ ނެގެޓިވް ޕީސީއާރު ނަތީޖާއަކާ ނުލައި، ކަރަންޓީނު ވުމެއް ވެސް ނެތި ދަތުރުކުރެވޭނެ ކަމަށެވެ.
Resort employees are permitted to travel to inhabited islands, 14 days after the 2nd dose of COVID19 vaccine, without home quarantine, subject to @HPA_MV terms and conditions.
Employees’ contributions towards #Maldives tourism recovery are highly appreciated. Thank you all.— Ministry of Tourism (@MoTmv) April 16, 2021
ނަމަވެސް ދަތުރުކުރުމުގައި ދީފައިވާ މި ލުއިތަކަށް އަމަލުކުރަން ފަށާނީ އަންނަ ހަފުތާގެ އަންގާރަ ދުވަހުން ފެށިގެންނެވެ. ޓޫރިޒަމް މިނިސްޓަރު އަބްދުﷲ މައުސޫމް ކުރިން ވިދާޅުވެފައިވާ ގޮތުގައި ޓޫރިޒަމް ދާއިރާގެ މުވައްޒަފުންގެ ތެރެއިން 90 ޕަސެންޓް މީހުންނަށް މިހާރު ވަނީ ކޮވިޑް-19 ވެކްސިންގެ ފުރަތަމަ ޑޯޒް ދީފައެވެ.
