ކޮވިޑް-19 ފެތުރުން ކޮންޓުރޯލް ކުރުމަށް ރާއްޖޭގައި ފަށައިފައިވާ ވެކްސިން ކެމްޕެއިންގެ ދަށުން ކޮވިޑް-19 ވެކްސިންގެ ދެވަނަ ޑޯޒް ޖެހިމީހުންގެ އަދަދު 30،000 އިން މައްޗަށް އަރައިފިއެވެ.
ހެލްތް ޕުރޮޓެކްޝަން އެޖެންސީ (އެޗްޕީއޭ) އިން ކޮވިޑް-19 ވެކްސިން ކެމްޕެއިންގެ އެންމެފަހުގެ ތަފާސްހިސާބު ހާމަކުރަމުން ދެންމެ ވިދާޅުވީ އިއްޔެ ކޮވިޑް-19 ވެކްސިންގެ ދެވަނަ ޑޯޒް ޖެހިމީހުންގެ އަދަދު 5،561 އަރާކަމަށާއި މިއާއެކު ޖުމްލަ ދެވަނަ ޑޯޒް ޖެހިމީހުންގެ އަދަދު 34،531 އަރައިފައިވާ ކަމަށެވެ.
އިއްޔެ ކޮވިޑް-19 ވެކްސިންގެ ދެވަނަ ޑޯޒް ޖެހި މީހުންގެ ތެރޭގައި ހިމެނެނީ، މާލޭ އޭރިއާއިން 3،901 މީހުން އަދި އަތޮޅުތެރޭ ރައްތަކުން 1،660 މީހުންނެވެ.
*️⃣ COVID-19 : Vaccination Updates
15.04.2021
Number of people who have received the first dose -
Greater Malé Area: 231
Atolls: 2,509Number of people who have received the second dose -
Greater Malé Area: 3,901
Atolls: 1,660 pic.twitter.com/6CWV0hupQU— Health Protection Agency (@HPA_MV) April 16, 2021
މިހާތަނަށް މުޅި ޖުމްލަ ކޮވިޑް-19 ވެކްސިންގެ ފުރަތަމަ ޑޯޒް ޖެހިމީހުންގެ އަދަދަކީ 277،522 އެވެ. ރާއްޖޭގައި ކޮވިޑް-19 ވެކްސިންގެ ގޮތުގައި ދެމުން އައްނަނީ ކޮވިޝީލްޑް ވެކްސިނާއި ސިނޮފާމް ވެކްސިނެވެ. މިވަގުތު ދެވަނަ ޑޯޒް ދޭން ފަށައިފައިވާ ވެކްސިނަކީ ކޮވިޝީލްޑް ވެކްސިނެވެ.
