މާލޭ ސަރަހައްދުގައި ވެކްސިން ޖެހުމަށް ބޭނުންވާ ފަރާތްތަކަށް އޮންލައިންކޮށް ކިއުނަންބަރު ނެގޭނެ އިންތިޒާމް ހެލްތް ޕުރޮޓެކްޝަން އެޖެންސީ (އެޗްޕީއޭ) އިން ހަމަޖައްސައިފިއެވެ.
އެޗްޕީއޭ އިން ވިދާޅުވީ، މިރޭ 21:00 އިން ފެށިގެން ހަމަޖެހިފައިވާ ހާއްސަ ވެކްސިން ސެންޓަރުތަކެއްގެ ކިއުނަންބަރު ކިއުބީއިން އެޕްލިކޭޝަން މެދުވެރިކޮށް ނެގޭނެ ކަމަށެވެ.
ކިއުބީ އެޕްލިކޭޝަން މެދުވެރިކޮށް ކިއުނަންބަރު ދޫކުރާ ވެކްސިން ސެންޓަރު ތަކަކީ ސޯޝަލް ސެންޓަރު، ނޭޝަނަލް އާޓް ގެލަރީ، އަދި ހުޅުމާލޭ ވެކްސިނޭޝަން ސެންޓަރެވެ. މިއިން ކޮންމެ ސެންޓަރަކުންވެސް ދޫކުރުމަށް ހަމަޖެހިފައިވަނީ ވަކިއަދަދަކަށް ކިއު ނަންބަރެވެ.
You can now queue online for vaccination.
Allocated amounts of token numbers will be issued online from 9:00 PM onwards.
Use the QueueBee app to get a token & check your queue status online
For iPhone: https://t.co/r3SADnfCuw
For Android: https://t.co/yPgjGb1uVc pic.twitter.com/RxKzwBNaDr— Health Protection Agency (@HPA_MV) April 19, 2021
މާލޭ ސަރަހައްދުގައި ކޮވިޑް-19 ވެކްސިންގެ ދެވަނަ ޑޯޒް ފެށުމާއެކު ވެކްސިން ސެންޓަރުތަކުގައި ބޮޑެތި ކިއުތައްވަނީ ހަދަން ފަށައިފައެވެ. މިމައްސަލަ ބޮޑުވެ ވެކްސިން ދިނުމަށް ކަނޑައެޅި ވަގުތުވެސް ފަހުންވަނީ އިތުރު ކޮށްފައެވެ.
އެޗްޕީއޭ އިން ފުރަތަމަ ހަމަޖައްސާފައިވަނީ ރޯދަ މަހު ރޭގަނޑު 9-11 އަށް ވެކްސިން ޖަހައިދޭށެވެ. ނަމަވެސް ފަހުން ވަގުތު ވަނީ 11:45 އާ ހަމައަށް އިތުރުކޮށްފައެވެ.
